عمرو أديب عن تصادم قطاري المنيا: "متقوليش إنه حادث فردي.. في حاجة غلط"
علق الإعلامي عمرو أديب، على حادث قطار المنيا والذي أسفر عن حالة وفاتين وإصابة 22 آخرين خرج معظمهم من المستشفيات.
وقال أديب برنامج "الحكاية" المذاع على قناة "إم بي سي مصر": "بهدوء وبشكل يريد المصلحة اليوم حادث قطارين الصعيد اللي وقعوا في الترعة بعد الاصطدام جرار ضرب قطار النوم ويتحدثون عن وفيات وإصابات".
وأضاف: "هذا الأمر يأتي في يوم بعد افتتاح محطة بشتيل وكلام عن المليارات اللي تم صرفها لتطوير هذا المرفق، كلنا متفقين أن المرفق كان متهاويا وشوفنا أن الدولة أنفقت المليارات وعدد كبير من القروض وحاجات ممتدة لسنوات عشان تطور منظومة النقل وشوفنا المحطة شكلها عظيم".
وتابع: "هل تسمحولي إني أقول لحضراتكم بهدوء يبدو أن هناك حاجة غلط، متحاولش تقنعني أن ما يحدث خطأ فردي أو هنبعتهم النيابة ونحقق معاهم كل دا شيء عظيم، ولكن يا جماعة أكيد في حاجة غلط، هل انتوا عايزين نترحم على الاتنين اللي توفوا ونطلب السلامة للمصابين والا عايزين نتكلم بجد؟ احنا استثمرنا كتير في القطارات والقضبان والطرق".
وأكمل: "يبدو أن هناك شيء لسه باقي وشيء لم يحدث يتحدثون أن حوادث القطارات في تزايد وليس تناقص، لازم توصل لمرحلة انك تعرف إيه الغلط عشان تعالجه، أرجوكم يا جماعة افهموا إيه الغلط أنا مبفهمش في السكة الحديد، ولكن بالأداء كان في شيء غلط".
وأوضح: "مثلا في الحادث اللي قبليه منعرفش إيه اللي حصل فيه منعرفش إيه الأسباب وإيه هي المشكلة أنت استثمرت في سيارات وجرارات وعربيات وتكييف جميل وسندوتشات في المحطات، ولكن يبدو أنك لم تعمل بشكل جاد على القدرة البشرية الموجودة".
وواصل: "الناس دي اتدربت كويس أو عندها كفاءة وهل في شيء تاني؟ إحنا عايزين نعرف إزاي القطر مبيشوفش التاني أكيد في حاجة إلكترونية من أيام حسين رياض والفانوس إنه بتقول أن في قطر يشوف التاني إزاي، القطر جاي على نفس الطريق وميشوفش القطر التاني في 2024 كل مرة نفس الشيء، إزاي يقترب قطار من قطار آخر وقبل أن يصل له بكيلو مترات لا يعرف القطار الأول أن في قطر تاني جاي؟".
واختتم: "هل معندناش التقنية دي؟ الناس اللي قاعدة تسأل باستغراب إزاي دي حصلت؟ سيبكوا من المؤامرات انتوا عايزين البلد تتقدم والا ترمي في شماعات".
