أحمد موسى: بندفع تمن كورونا والحروب.. مع إننا مش طرف في أي شيء (فيديو)
أكد الإعلامي أحمد موسى، أن وزير الدفاع الإسرائيلي أشار إلى أن جيش الاحتلال سوف يقوم بتوجيه ضربه قوية ومؤثرة ضد إيران.
وقال موسى خلال برنامج "على مسؤوليتي" المذاع على قناة "صدى البلد": "وزير الدفاع الإسرائيلي أكد أنهم هيضربوا إيران ضربة موجعة ومؤثرة وقاتلة ومفاجئة ودا يعني إن الحرب هتطول وهتتوسع، وإيران هترد وإيران الرسائل اللي بعتتها للأمريكان أنه لو في توسع من إسرائيل إحنا هنرد بتوسع".
وأضاف: "دا تأثيره إيه على المواطن؟ رايحين لسيناريو صعب جدا طيب دا تأثيره إيه عليا كمواطن؟ سيادة الرئيس دايما حريص على إيه؟ أنه يكون عندك احتياطي استراتيجي 5-6 شهور من كل حاجة زيت وسكر واحتياجات الناس حتى الوقود أمر استراتيجي لينا كمان بكلمك على الدولة المصرية والشعب".
وتابع: "الوقود زي القمح، قمح ووقود يبقى عندي الاحتياطي الاستراتيجي موجود عندي شهور عشان منتظرش أنه يحصل عندك لا قدر الله مشكلة".
وأوضح: "لا قدر الله لو حصل مشكلة، أغلقت مضيق هرمز أنتوا عارفين لا قدر الله لو ده حصل؟ دا بيعدي منه النفط اللي بيروح للعالم كله نفط الدول العربية كلها ودا يعمل كارثة في العالم لو حصل ده لان إيران هددت من 10-12 يوم لو حصل إحنا هنغلق مضيق هرمز، طيب إيه وعندك أزمة في البحر الأحمر طب ايه؟".
وواصل: "بشرح بتوسع لإن أنا كمواطن أبقى شايف أنت كمواطن شايف، هل مصر كانت سبب في رصاصة انضربت؟ أبدا إحنا يفرض علينا كل شيء، كورونا فرضت علينا، والحرب الروسية الأوكرانية فرضت علينا، وحرب غزة فرضت علينا، لسنا طرف في أي شيء ولكن بندفع تمن".
