أمير توفيق يكذب نجم الزمالك: "طلب يجي الأهلي وتم رفضه"
رد أمير توفيق، مدير تعاقدات النادي الأهلي، على تصريحات لاعب وسط الزمالك نبيل عماد دونجا الذي ادعة فيها أن الأهلي كان يفاوضه للانضمام له قبل الانتقال إلى غريمه التقليدي نادي الزمالك.
وقال توفيق، في تصريحات متلفزة: “دونجا أخد لقطة عليا وطلع قال إني قعدت معاه أفاوضه.. بس الكلام ده مش حقيقي وهو اللي طلب مني إنه ينضم للأهلي والإدارة رفضته فنيًا”.
وتابع: “في ناس بتحب تاخد لقطة، الكابتن نبيل دونجا قال الكابتن أمير كلمني عشان أجي الأهلي وأنا رفضت، لكن الحقيقة إن أحد الصحفيين وهو الأستاذ محمد أبو علي كلمني قالي دونجا عايز يكلمك وفضل يقولي كلم دونجا.. كلم دونجا، دخلنا كونفرانس كول دونجا قالي أنا عايز أجي الاهلي بلغت الإدارة كان عندنا وقتها أليو ديانج وحمدي فتحي وعمرو السولية، وجالي الرد من الإدارة لأ مش محتاجينه، بلغت الصحفي إننا مش محتاجينه والموضوع خلص”.
