سيد علي يهاجم الشامتين في اغتيال حسن نصر الله: "أنتم بلا حياء"

هاجم الإعلامي سيد علي بعض القنوات العربية التي تروج للشماتة في استشهاد حسن نصر الله الأمين العام لحزب الله اللبناني والذي قتل بعد أن استهدفته إسرائيل في الضاحية الجنوبية.

وقال علي خلال برنامج "حضرة المواطن" المذاع على قناة "الحدث اليوم": “أنا في غاية الحزن الشديد وأنا أرى قنوات عربية الهوية تتحدث بشماتة على حسن نصر الله”.

وأضاف: "إيران ليا عليها مليار تحفظ وهي سبب كل المصايب هل معقولة أن في قنوات تسمي عربية تتكلم بتلك اللهجة والشماتة وهذا الرجل اللي عمل وكذا ويستاهل ولما دخلت كلية الإعلام لم اتخيل أنه سيأتي عليا اليوم أنى أشوف زميل وزميلة في قنوات تانية يقول الكلام ده".

وتابع: "أنا من الجيل اللي تربينا على الأمة العربية الواحدة والرسالة العربية الخالدة وأخويا العربي، حاجات كده بقت في دمنا ولما تيجي مرة واحدة تلاقي الكلام ده كله بيتنسف وناس بلا حياء وقنوات بلا حياء طالعة تقول كده".

وواصل: "يا اخي لو مقتدرتوش تداروا ده اسكتوا وبعدين يستضيفوا ألد أعداء الشيعة وحولوا المسألة إلى خلاف بين السنة والشيعة وبقينا عبث".

وأكمل: "تلك القنوات بتدي رسالة ومحتوي للأجيال الجاية تخلي الأجيال الجديدة منبهرة بإسرائيل ومبتقولهمش أن الـ 80 قنبلة اللي اترمت على حسن نصر الله بتقدر تنزل تحت الأرض 30 متر وأن الطيران اللي بيضرب هو طيران أمريكي وكل المعلومات اللي عندهم 99% من أمريكا وأن في عملا إيرانيين ودا شيء لا يدعو للانبهار خالص".