عمرو أديب عن واقعة تزوير خطف عريس الدقهلية: "درس للناس اللي بتستهبل"

علق الإعلامي عمرو أديب، على قيام أحد الأشخاص بمحافظة الدقهلية بتزوير واقعة خطفه خلال إقامة حفل زفافه بإحدى قرى المحافظة.

وقال أديب خلال برنامج "الحكاية" المذاع على قناة "أم بي سي مصر": "عريس فجأة وهو واقف في الشارع تيجي عربية بسرعة ويتم اختطافه وفجأة العروسة تصوت والناس اللي واقفه كل دول في الموضوع واتاخد وبيجري الحقوا العريس اتخطف أنت تشوف كده تقول أيه اللي جري في البلد في الشارع كده الراجل يتخطف قدام الناس".

وأضاف: "الدنيا طبعا اتقلبت والفيديو راح والناس والحقوا واللطيمة والبلد خلاص أي حد يعمل فيها أي حاجة؛ ثم فجأة يظهر العريس الظريف اللطيف ويقول كنت بهزر وأننا كنا عايزين نعمل حالة وفيديو واتضح أن الراجل ده متجوز وعنده عيال من 3 سنين".

وتابع: "هما اتدربوا على المشهد وطلب من كل واحد في المشهد يكون ليه دور؛ والعروسة نازلة بكامل فستانها والراجل بيصور؛ مشهد معمول في فيلم أمريكاني محترم جنان اللقطة وعصر اللقطة؛ وطبعا التريند وتلقى ناس كتير اتسرعت بس عندهم حق بصراحة".

وأكمل: "عندك هناك جهاز الأمن المصري الحاجات دي على طول بتشتغل ومحمد بيه في قسم الدقهلية على طول بيشتغل وهما مقبوض عليهم الأن وطبعا البهوات اللي شالوا نمر العربية مشرفين عند محمد بيه في القسم".

وذكر: "لغاية الأمن متعديش ولغاية إشاعة الفوضى متعديش؛ أنت كمان عايز الناس كلها تاخد أمنك بجدية؛ كل ده أعراض جانبية لهذا الأمر وأرجو أن يكون ده درس للناس اللي بتستهل".