مصطفى بكري يعلق على ادعاء سيدة قرابتها لمحمد فؤاد: "لعبة جديدة"
علق الإعلامي مصطفى بكري؛ على قيام سيدة ادعت قرابتها بالفنان محمد فؤاد بالاعتداء اللفظي على موظفي مستشفى عين شمس على خلفية الخلاف الذي نشب بين الفنان وأحد الأطباء العاملين بالمستشفى.
وقال بكري خلال برنامج "حقائق واسرار" المذاع على قناة "صدى البلد": "حصلت لعبة جديدة لفيديو جديد لسيدة انتحلت صفة بنت أخت محمد فؤاد وقال ايه رايحة تزعق وتشتم وتسخر من المستشفى ودا كله تكملة لمسلسل التشويه المتعمد ضد محمد فؤاد؛ لما تسمع كلامها تحس أنها واحدة رايحة مخصوص تسيئ إلى محمد فؤاد".
وأضاف: "الفنان محمد فؤاد النهاردة طلع بيان ونفى علاقته بهذه السيدة وطالب الامن بالقبض عليها فورا لانتحالها صفة بنت اخته؛ وقال لازم يعرف مين اللي وراها ومين اللي زاققها لأنها اساءت بشكل كبير له".
وتابع: "في لعبة بتتعمل بقي بتبان أبعادها مين اللي ورا الست دي اللي قالت أنا بنت اخته وقالت لازم تعاملوا الشخصيات العامة غير ما بتعاملوا الشخصيات كذا؛ والنبي؟ هو في فرق بين الشخصيات العامة والشخصيات الطبيعية".
وواصل: "زي ما قال محمد فؤاد الست دي رايحة مخصوص عشان تعمل القنبلة اللي شافتها دي ودا كله يكشف السيناريو ومين وراه ومين الأساس؛ بطلب التحقيق مع هذا الطبيب بتهمة إهانة الأطباء واهانة الوطن وتحريض زملائه الأطباء على عدم قبول العمل في الطوارئ".
وأوضح: "عشان كده بقول لإخواننا في السوشيال ميديا مفيش داعي للتسرع ومفيش داعي لإهانة الناس مش أي واحد يكتب كلمة؛ اعقلوا وشوفوا الكلام؛ فريق ولجان مخصوص معمولة عشان تهد في البلد دي وتشكك في هذا الوطن عشان كده لازم يكون في قانون جديد أكثر شدة لمعاقبة كل من يتجاوز في حق البلد وحق انسان برئ بيتشتم ويتبهدل بأقذع الالفاظ على السوشيال ميديا".
