مصطفى بكري: مفيش رئيس عايز يفشل والبلد مش بتاعة فئة معينة

أكد الإعلامي مصطفى بكري، أنه لا يوجد رئيس دولة يريد أن يفشل، مشيرا إلى أن أي قائد يسعى إلى تحقيق التنمية لبلده.

وقال بكري خلال برنامج "حقائق وأسرار" المذاع على قناة "صدى البلد": "مفيش رئيس دولة عايز بلده تفشل؛ وميبقاش في تصدير وصناعة وزراعة لأنه هيحكم ازاي إن لم تكن هناك تنمية حقيقة تسكت الناس وتدي إمكانيات حقيقة للناس عشان تعيش".

وأضاف: "متنسوش أننا زدنا من 2011 إلى 2024 كل سنة 2.5 مليون مواطن جديد كل سنة 2.5 مليون عايزين يتعلموا ويروحوا الصحة؛ مهي إمكانيات الدولة هي هي؛ إذا مكناش نتوسع في الزراعة زي اللي حاصل في توشكي مشروعات الضبعة ومستقبل مصر".

وتابع: "إذا مكناش ننتج مزيد من البترول والغاز هنجيب طاقة منين؟ وقيس على ذلك؛ إذا مكناش ننتج ونجيب مع سيمينز محطات الكهرباء الكبرى بقي عندنا 60 ألف ميجا وات وكان كل اللي عندنا ميزدش عن 21 ألف ولما نوصل لهذا الرقم ويبقي عندنا احتياطي استراتيجي".

وواصل: "لو عندي غاز ومازوت هقدر أنتج أكتر وأصدر أكتر ولكن زي مانتوا شايفين؛ المصدر اللي كان دائم ومستمر ووصلنا فيه لمعدلات كويسة قناة السويس نزلت إلى 300 مليون دولار بفعل ما يحدث في البحر الأحمر وقيس على ذلك كثيرا".

وأوضح: "البلد دي مش بلد فئة معينة ولابد حد يفرض أجندة معينة ولا بلد مجموعة تمترس نفسها في منطقة معينة وتقول أحنا اللي صح والباقي غلط؛ أنت هتستحملني لما تلاقيني خرجت بكلام ممكن ميعجبكش بس دا دورك أنت مش هتعصف بيا لما يحصل موقف سياسي معين قد اختلف معاك فيه بس دا دورك لأن لو ده اتعمل كلنا هنصفي بعض".