أحمد موسى: الإخوان خربوا المناهج التعليمية بعد 2011

أكد الإعلامي أحمد موسى، أن جماعة الاخوان الإرهابية خربت المناهج التعليمية بعد وصولها إلى السلطة عام 2011.

وقال موسى خلال برنامج "على مسؤوليتي" المذاع على قناة "صدى البلد": "بعد 2011 لقينا أيه؟ زودوا في المناهج وخربوا المناهج؛ بتكلم بجد وخربوا عقول الناس؛ كنت بسمع من شهر شهرين كده حد كان بيقولك أصل احنا بصراحة اضحك علينا وساندنا الاخوان عشان اللي كان بيعمله نظام الرئيس مبارك".

وأضاف: "كان بيعمل أيه نظام الرئيس مبارك في الإخوان؟ كان بيعمل أيه رحت ساندت الاخوان وجاي النهاردة تقول أنا بقيت؟ لا مبقتش؛ إذا أنت ساندتهم وكانوا بيدافعوا عنهم دفاع مرير أو دفاع شرير قاعدين ومتابعيني وشايفيني وأيوة أنا بقصدكم واحد واحد".

وتابع: "كنت أكتب في الأهرام قبل 2011 صفحات عن الإخوان وأقول مين هما وبيعملوا ايه ولو حكموا هيعملوا أيه؛ يطلوا من جرايدهم يشتموني وينشروا مقالات ضدي وموجودين بالاسم ومحدش يصدقك أبدا مهما تغيرات أو تلونت دا موجود".

وأوضح: "أنا بكشف للرأي العام واحد اتنين؛ يقولك أحمد موسى عمل وكتب؛ أحمد موسى مصر على موقفه ومبيغيروش زيكم".

وكان وزير التعليم قد طرح خطة جديدة من أجل تطوير المرحلة الثانوية تضمنت خفضا في المناهج الدراسية وإخراج بعض المواد من المجموع.

وتهدف الخطة الجديدة إلى تحسين نظام الثانوية العامة بالإضافة إلى التيسير على الطلاب وزيادة قدرتهم على التحصيل العلمي.