عمرو أديب: "الأهلي كان عنده حق.. قال مش هيعملوا حاجة"

أكد الإعلامي عمرو أديب؛ أن الجدل الدائر حاليا بشأن نتائج بعثة مصر في دورة الألعاب الأولمبية لن ينتهي إلى شيء، مشيرا إلى أن الحديث عن الموضوع سوف ينتهي خلال عدة أيام.

وقال أديب خلال برنامج "الحكاية" المذاع على قناة "أم بي سي مصر": "الأهلي كان عنده حق قالك دول مش هيعملوا حاجة أنا الأبقى؛ الدوري بتاعنا الأبقى".

وأضاف: "اليوم السادس أو السابع لن يكون هناك شيء ألا إذا عرفت أن الرياضة صناعة؛ جيبوا أب للحكاية لو عايزين تعملوا مشروع هاتوا حد ملوش دعوة بالمنظومة حد اقعد معاه وقوله اديني خطة وخريطة واسأله السؤال المهم هل احنا نقدر؟".

وتابع: "انا شوفت الموقف ده 100 مرة ومستعد أحكيلك أيه اللي هيحصل بكرة وأيه الجمل اللي هتتقال؛ الناس كانت واقفة عند موضوع كيشو وكأن الراجل قرروا يشيلوه البعثة كلها؛ في ناس مبسوطة أن احنا بنتغلب ياراجل مفيش تعاطف دا في ناس قاعدة على السوشيال ميديا بتكسر مجاديف البلد كل يوم".

وأكمل: "في غل غير طبيعي وحالة انهزامية تحسسك زي كتاب السيكرت كده البلد كلها بتقول هنتغلب مفيش واحد بيقولك في أمل ولا بتاع؛ وفي بقي اللطميات ولكن مش كتير كبيرك 10 أيام لما يبقي في انتفاضة وندخل في معركة الكأس يتلعب والا لا".

واختتم: "سارة سمير لن تراها إلا وهي نازلة مطار القاهرة وبيدوها ورد؛ نقطة وطبعا من حقها أن هي وكل الناس اللي خدت ميداليات والتكريم الرئاسي وبعد كده صمت".