عمرو أديب عن التحقيقات في نتائج البعثة الأولمبية: "خمس أيام والدنيا تهدى"
علق الإعلامي عمرو أديب، على المطالبات بالتحقيق في نتائج بعثة مصر في دورة الألعاب الأوليمبية، مشيرا إلى أنها لن تنتهي إلى شيء.
وقال أديب خلال برنامج "الحكاية" المذاع على قناة "أم بي سي مصر": "هيبقي فيها تحقيقات ولجان ومحاسبات ومجلس نواب وشيوخ ومقالات؛ زي كل مرة أيه اللي حصل معقولة مصر متجبش الميداليات دي وكل واحد هيقول على التاني أنه السبب ودا حصل في حياتي وحل مجالس وأن المجلس يستقيل أو يمشي".
وأضاف: "حضراتكم عايزين حل ولا عايزين طبطبة؟ لازم نعرف أن مصر أي حاجة فيها اديها خمس أيام وتهدي؛ النهاردة البعثة ترجع ويتقال بنعمل تحقيقات وبعد ذلك كل شيء يهدأ".
وتابع: "مثل قضية الرأي العام المرحوم اللاعب أحمد رفعت كانت قد انتهت لولا قرار الرئيس السيسي؛ الموضوع كان توفي كما توفي اللاعب؛ الموضوع أنت النهاردة سخن وبتاع بعد بكرة هيبقي في الجول بتاع قفشة وبعد بعده في اتحاد الكرة لازم يستقيل الموضوع مبيبقاش فيه نتيجة نهائية".
وواصل: "هما أمرين أنا بنصح حضراتكم بيهم وملهمش تالت؛ الأول أن والله ياجماعة دي دولة؛ مصر دولة الأدباء والشعراء والأطباء والمهندسين والشيوخ؛ مصر دولة متميزة في كل شيء مش لازم الرياضة يعني؛ في دول بتفكر هو احنا ليه لازم نبقي داخلين في كل الألعاب؟ في دول بتقرر أنها مش دولة رياضية أنا دولة عظيمة في كل شيء".
وأوضح: "موضوع أن يبقي عندك أبطال أولمبيين دا موضوع ممكن تتنازل عنده؛ وأن يبقي عندك فلتات؛ كان في فلتة زي الراجل بتاع الرمح بتاع باكستان والراجل التركي بتاع الرماية حط ايده في جيبه وراح جاب الفضية".
وأكمل: "المسألة بسيطة قرار واضح والله أنا مبعملش الكلام ده وألقي ناس تقولك يعني معقولة الـ 120 مليون مفيهمش غير اتنين سباحين؟ أيوة مطلعتش أنت عايز تقولي أن حمامات السباحة في كل مكان".
وذكر: "في جزيرة اسمها سانتا لوتشيا ومتعرفش تطلعها على الخريطة خدت ميدالية؛ هو الموضوع بقي بالعدد أو الرغبة؟ أنت عندك مشكلة في كل الرياضات أنك مبتعرفش تكمل؛ فريق كرة اليد مشكلتة دائما اخر خمس دقائق في كل المتشات".
واختتم: "مشكلة كرة القدم ايه المعلق بيقولك مرهقين؛ ولكن أنت عايز تعمل ايه بكل ده ياجماعة احنا بقي هنعمل لجان؛ اتحداك لو سمعت نتيجة لأي تحقيق من دول؛ أنا في اليوم السادس أو السابع هقولك أيه الأخبار؟ وصلتوا لأيه؟".
