شاهد.. "بكري" يوجه رسالة إلى المصريين: شوفنا البلد بتنهار لولا الجيش العظيم
علق الإعلامي مصطفى بكري، أن انتقاد البعض للظروف الاقتصادية التي تمر بها البلاد أمر طبيعي، مشيرا إلى أن ذلك يختلف عن الخونة الذين يدعون إلى تدمير البلاد.
وقال بكري، خلال برنامج "حقائق وأسرار" المذاع على قناة "صدى البلد": "أنا بتكلم عن الخونة اللي بيحرضوا واللي كل شوية يقولك اطلع مظاهرات ونخرب البلد وندمر المؤسسات، تيار قاعد برة شوية شياطين لا هم لهم إلا إزاي نكسر البلد دي".
وأضاف: "حتة عيل قاعد برا سرق فلوس وجري يقولك اطلعوا يوم كذا وكذا اطلعوا مين يا عم الحج، هو إحنا مخدناش درس وعظمة وعبرة؟ إحنا شوفنا البلد دي بتنهار، ولولا الجيش العظيم والمجلس الأعلى للقوات المسلحة برئاسة المشير حسين طنطاوي رحمة الله عليه في الفترة من 2011 لغاية أغسطس 2012 كانت البلد دي ضاعت".
وتابع: "لولا رجال الشرطة اللي أُسيء لهم واللي بعضهم اتهان، والله في رجالة ما رضيت تسيب لا اقسام شرطة ولا مقرات أمن وطني وفضلوا قاعدين وفضلوا لغاية لآخر يوم".
وأكمل: "المشير طنطاوي رحمة الله عليه قال لم تصدر لنا أي تعليمات لا من الرئيس مبارك ولا من غيره بإطلاق النار على المتظاهرين والكلام ده أنا اذعته في وقتها في قناة الحياة في شهر خمسة 2011 وطلعوا قالوا الحق أزلام مبارك".
واختتم: "ياما دقت على الراس طبول أنما أنت وغيرك خرع، تولع الدنيا وتروح تقعد في بيتكم أو تسافر برا عند حبايبك وقرايبك، إنما المواطنين المصريين الشرفاء هما بتوع هنا، انتوا لو روحتوا توشكى معانا وشوفتوا عساكر مصر بيعملوا إيه في عز الحر اللي أنت متقدرش تستحمله".
