شيرين "تردح" لحسام حبيب في تصريحات نارية: "مش راجل"

اتهمت الفنانة شيرين عبد الوهاب طليقها حسام حبيب بـ"عدم النخوة" ردًا على اتهامه لها بأنها لم تشن هجومًا عليه وتتهمه بالسرقة إلا لأنه رفض الرجوع إليها، فضلًا عن سخريته من أصلها البسيط، ونشأتها في حي شعبي. 

وقالت شيرين: "أنا بقوله الناس الشعبية اللي من القلعة هم دول اللي جدعان، اللي متربيين، ومحدش منهم يقبل إنه مراته تصرف عليه، وبشهادة كل الناس، وحتى رضوى الشربيني قالتها، إيه الشغلانة دي عشان نشتغلها، 6 سنوات مبيدفعليش 100 جنيه مصروف".

وأضافت أنها "انتهت بشكل تام"، وأن حسام حبيب السبب في ذلك، وأنه هو الذي كان يركع لها دائمًا، ويتذلل من أجل أن توافق على الرجوع إليه، على حد تعبيرها.

وتابعت قائلة: "بالنسبة إنه بيقول أنقذوني منها، مفيش راجل من ضهر راجل يقول كده، مش يوطّي ويبوس الأيادي، ويقول هموت من غيرك، وقال أنا بحبها أكثر من كرامتي، وكل مرة برجع عشان بيصعب عليَّ وبيعيط وبيركع وبيتنازل".