شيرين تطلب حمايتها من طليقها: "بيهددني ويبتزني".. وحبيب يرد

مازالت شيرين عبد الوهاب وزوجها حسام حبيب يتصدرن التريند وذلك بسبب تصريحاتها الأخيرة حول إنقاذها من حسام حبيب، وأطلقت شيرين عبد الوهاب خلال الساعات الماضية عدة تصريحات تطلب حمايتها من حسام حبيب.

قالت شيرين عبد الوهاب: "الناس بتقول بتسمع كلامه ليه؟ أنا بروح له بالتهديدات، دمرني وبيهددني ويبتزني وبيقول كلام وقح عني وعن أصحابي، ولما بختفي بيوصلني عن طريق بنتي الصغيرة هنا، 13 عاما، ومكرهها فيا وفي أبوها وفي أهلي".

وأضافت شيرين عبد الوهاب في حديثها عن حسام حبيب: شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا.

وتابعت: أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي.

واستكملت شيرين عبد الوهاب: أرجوكم الحكومة لازم تتدخل أنا عاوزة الدولة تحميني لأنه بيبتزني من خلال بنتي.

وعلق الفنان حسام حبيب على الاتهامات العديدة التي وجهتها له شيرين عبد الوهاب ومنها سرقتها، والتربح من أعمالها وحفلاتها ومحاولة الإيقاع بينها بين ابنتها قائلا:" عملت كده عشان بتتصل بيا وبتحاول تتواصل معايا وأنا رافض".

واستكمل:"بريء من هذه التصرفات، واتهامي بالسرقة كل مرة كلام أقل بكثير من أن أعلق عليه ارحموني منها هي فقط تستقوي بالناس".