محمد صبحي: لست ضد القبلات في السينما "العظماء كلهم اتباسوا"
علق محمد صبحي خلال الماستر كلاس الذي أقامه المهرجان القومي للمسرح المصري منذ قليل، على انتشار العديد من التعليقات التي تهاجمه من خلال نشر مقاطع من أعمال قديمة له مع الفنانة هياتم مصحوبة بتعليقات "شوفوا بتاع الأخلاق بيبوس هياتم".
وقال محمد صبحي: "يقولك أهو ويجيبه الصورة إنها فضيحة كبرى يعني.. دا أنا الفيلم الوحيد ومبوستهاش هو الموضوع كان كوميدي إنها توهمه إنه عمل حاجة معاها يعني.. أنا مش شيخ ولا قسيس".
وتابع: "لو دا المنطق كنا أعدمنا كل اللي شفناهم في السينما.. السينما فيها بوس وأحضان وأنا مش ضد دا.. هند رستم الفنانة العظيمة وشادية وفاتن حمامة كلهم اتباسوا".
واختتم قائلا: "على فكرة إحنا كنا ضد موجة أفلام المقاولات اللي انتشرت واعتمدت على هذا فقط.. وأنا بقول دايما إن السينما تكون على حسب المناخ الموجود".
