أحمد موسى يطالب الحكومة بإعادة النظر في قرار غلق المحال التجارية 10م

طالب الإعلامي أحمد موسى، مجلس الوزراء بإعادة النظر في قرار غلق المحال التجارية في العاشرة مساء، مشيرا إلى أن هذا القرار تسبب في خسائر لملايين المصريين.

وقال موسى، خلال برنامج "على مسؤوليتي" المذاع على قناة "صدى البلد": "طول الوقت أتلقى رسائل من أهالينا أصحاب المحال التجارية من أسوان وإحنا جايين من مطروح وإحنا جايين من سيناء وإحنا جايين، مفيش حد بيقابلك ويشوفك يعرفك يبعتلك، الحقونا علينا إيجارات وعندنا عمالة ومش عارفين نسدد الديون اللي علينا؛ لأن طلع قرار طبق من أول يوليو ومستمر حتى الخميس الأخير من سبتمبر غلق المحلات الساعة عشرة".

وأضاف: "هذا القرار أدى إلى حدوث مشاكل لدى أهالينا أصحاب المحلات، بتكلم على أرقام ومعندناش رقم دقيق ومفيش حد عنده رقم في البلد عندنا كام محل، حد يقولي 5 ملايين، وحد يقولي 7 ملايين وحد رابع يقلي 8 ملايين خد المتوسط 6 ملايين محل، لما آجي النهاردة أتكلم عن 6 ملايين محل تجاري كل المحلات الترفيهي والتجاري والخدمي بتكلم على رقم".

وتابع: "لما يبقى عند الناس دي مشكلة يبقى بتكلم عن ملايين المصريين مش هتكلم عن كام واحد شغال في المحل، كام أسرة وراء هذه المحلات الملايين دخلهم وفلوسهم واكلهم وحياتهم من الدخل ده، الدخل ده اتأثر لأن الساعة عشرة بصراحة وأنا قلت الكلام ده من الأول مقلتوش النهاردة بس النهاردة بجدد لأن الناس بتشتكي بجد وإحنا صوت الناس".

وأكمل: "ملايين عندهم مشكلة ولازم صوتهم يصل للدولة ولرئيس مجلس الوزراء ويصل للجنة المعنية اللي خدوا قرار الكهرباء وهيقفلوا المحلات عشرة باليل الناس يادوب مخلصة صلاة العشاء الساعة 10 باليل".

وذكر: "محدش في المحلات بالنهار الناس تبدأ تنزل المغرب والساعة عشرة بنقولهم روحوا، كنت بتكلم مع ناس كتيرة يعني غرف تجارية ومحليات، مقترحات ليه لا نراجع القرار مش قرآن خدنا قرار نتائجه مش إيجابية نراجعه، امتى الناس بتنزل تشتري؟ سبعة الصبح؟ مين محل بيفتح سبعة الصبح بيفتح عشرة بلاش عشرة نخليها 12 نخليها واحدة".

واختتم: "محدش بينزل سبعة الصبح اللي هو توقيت فتح المحلات الساعة سبعة، هل المحلات دي باعت من سبعة الصبح إلى سبعة مساء، شوفوا المحلات لما فتحوا من سبعة الصبح إلى سبعة باليل باعوا؟ لا يبدأ يبيع في الوقت ده والشمس تبدأ تنزل شوية والحرارة تنزل شوية وداخلين على المغرب".