شاهد| البوارج فضحتها.. أحمد موسى: أمريكا كانت على علم باغتيال هنية
أكد الإعلامي أحمد موسى، أن الولايات المتحدة كانت علم بنية إسرائيل اغتيال إسماعيل هنية رئيس المكتب السياسي لحركة حماس وفؤاد شكر القيادي بحزب الله اللبناني.
وقال موسى خلال برنامج "على مسؤوليتي" المذاع على قناة "صدى البلد": "سفن أمريكية شرق المتوسط أمام السواحل الأمريكي، دا مش مصادفة أمريكا لديها علم تام وإسرائيل قبل ما تعمل عملية بتبلغ أمريكا؛ طبعا ولازم تاخد ضوء أخضر من أمريكا سواء باغتيال هنية بعيدا عن بلينكن وكلامه الفارغ؛ عمر بلينكن ما قال معلومة دقيقة".
وأضاف: "أيضا اغتيال فؤاد شكر في الضاحية الجنوبية أمريكا عندها المعلومات، نتنياهو لما راح الأسبوع اللي فات وقعد مع وليم بيرنز ولويد أوستين وزير الدفاع، عرض أكيد خطته ايه، نتنياهو رايح ياخد دعم ـمريكي كامل واللي عمله النهاردة بدعم أمريكي كامل".
وتابع: "البيت الأبيض طلع بيان قال نحن على علم باغتيال هنية وبليكن قال لم نشارك في اغتيال إسماعيل ولم نكن على علم، طيب البيت الأبيض على علم وبلينكن ميعرفش، دائما بلينكن بيحاول يصلح لما يبقى في مشكلة يطلع يتكلم بالطريقة الأخرى".
وواصل: "دا اسمه تدليس من بلينكن على العالم، الطفل اللي عنده أربع خمس ست سنين هيقولك دا غلط انتوا عارفين ونتنياهو واخد ضوء أخضر من عندك عشان يغتال إسماعيل هنية، ولازم نبقى شايفين ده، هو أنت بعت البوارج بتاعتك ليه؟ عشان متوقع رد فعل إيران ورد فعل حزب الله، أنت بعت البوارج إمبارح ليه؟ عشان أنت عارف المعلومة أن في عمليات جاية واحدة في لبنان وواحدة في إيران وانتوا متوقعين أن إيران ليها رد فعل وحزب الله هيكون ليه رد فعل".
واختتم: "أمريكا مش هتسيب إسرائيل، وقت الجد أمريكا هي إسرائيل وإسرائيل هي أمريكا، خلاصه أي كلام آخر".
