عاجل.. رئيس الوزراء: نستهدف خفض التضخم إلى 10% بنهاية 2025
أكد الدكتور مصطفى مدبولي، رئيس مجلس الوزراء، أن الدولة تستهدف بنهاية 2025، خفض التضخم إلى أقل من 10%، متوقعا عدم الدخول في برامج أخرى مع صندوق النقد الدولي بنهاية 2026.
وأضاف في مؤتمر صحفي اليوم الثلاثاء: "رؤيتنا كدولة لو استمرت الأمور في نهاية 2025، سيصل التضخم لأقل من 10 %، ويبدأ المواطن يشعر إن الأمور بدأت تتجه في الشكل المهم، فكرتنا إن احنا نشتغل مع الصندوق وكل الكلام ده، حاطين رؤيتنا إن نهاية هذه البرنامج في 2026 ما نأمله مندخلش في برنامج تاني، البرنامج اللي خلص قبل أزمة كورونا مجددناهوش، تعرضنا لصدمات وروحنا لبرنامج، توقفنا بعد البرنامج الأول".
واستكمل: "في تاريخ الأمم، هناك طفرات وأزمات، حاليا فيه أزمات، وأنا بسجلها لحضراتكم، هيتكتب في التاريخ، إن زي ما حصل في فترة الحروب العالمية والتغيير، اللي احنا فيه دلوقتي كده، قدرنا نحافظ على المركب والبلد تفضل موجودة، في ضوء حجم هائل من الأزمات، ممكن أتكلم معاكم في أرقام حفظتها، الحمدلله الدولة مستقرة بجيشها وشرطتها، وقادرة تحافظ على الاستقرار، ومأمنة مواردها، ده نعمة كبيرة جدا".
وأردف: "الشيء اللي مأثر على المواطن، الأسعار، وده الشيء الوحيد، عشان المواطن يشعر إن الأمور بدأت تستقر، وده اتحقق قبل مجموعة الأزمات".
