عاجل.. لاعبة الدراجات جنة عليوة تقبل اعتذار شهد سعيد بعد حديث الرئيس السيسي

كشفت جنة عليوة، لاعبة الدراجات، آخر تطورات أزمتها مع زميلتها شهد سعيد، قائلة: “أنا قبلت اعتذار شهد سعيد، خلاص مفيش حاجة وراضية بالقرار، طبعًا الرئيس عبد الفتاح السيسي النهاردة تحدث عن القيم والأخلاق الرياضة دي حاجة مهمة أوي، كمان حابة أشكر وزير الرياضة، ورئيس اللجنة الأولمبية كمان”.

وأضافت، في تصريحات تليفزيونية: “بجد أنا مسمحاها ومفيش أي حاجة معاها، وأتمنى أنها تكلمني ومفيش أي حاجة خلاص مع شهد، وطالما أنا سامحتها خلاص مفيش قضية ولا حاجة”.

وتابعت جنة: “مفيش مشكلة خالص مع شهد وأتمنى ليها التوفيق في حياتها الرياضية، وكمان أتمنى التوفيق للبعثة المصرية في أولمبياد باريس”.

واستكملت: “أنا حسمت قراري بقبول الاعتذار بعد بيان عدم مشاركة شهد في أولمبياد باريس، الحمد لله مرة تانية وراضية بقرار الصلح والتنازل عن القضية”.

ووجهت جنة عليوة رسالة إلى شهد سعيد قائلة: “والله أنا بتنمالك التوفيق وأتمنى تشاركي في أولمبياد 2028”.