عاجل.. الرئيس السيسي يطالب لاعبي مصر بالمنافسة الشريفة وأخلاق الرياضة المحترمة (فيديو)
![الرئيس نيوز]( /UploadCache/libfiles/20/8/600x338o/745.png)
استقبل الرئيس عبدالفتاح السيسي، اللاعبين والمدربين، الحاصلين على ميداليات ذهبية ببطولة الألعاب الإفريقية، تكريمًا لهم.
وفي كلمة له، رحب الرئيس السيسي باللاعبين والمدربين، الحاصلين على ميداليات ذهبية ببطولة الألعاب الأفريقية، معربًا عن سعادته بلقائهم، قائلًا: "ألف مبروك وبهنيكم على اللي حققتوه".
وقال الرئيس السيسى: "أنتم فرحتوا كل الناس، وكل المصريين اللي شافوا النتايج اللي أنتم حققتوها، واللي ممكن كمان ربنا يوفقنا ونحققها في باريس بيكم برضو إن شاء الله وبزمايلكم اللي موجودين هنا أو اللي موجودين في المعسكرات الرياضية بره، ربنا يوفقهم".
ووجه، الشكر للأبطال باسمه وباسم كل المصريين، كما وجه الشكر لكل المشرفين والقائمين من أجهزة إدارية وفنية، مؤكدًا أن هذا الجهد كبير جدًا.
وأكد الرئيس السيسي، على أن الرياضة تعكس مدى تحضر الدول والشعوب، وأنه كلما كان هناك نجاح وتفوق وميداليات أكثر، فإن النتيجة تعكس قدرة الدولة على المنافسة، وكلما حققت ميداليات أكثر كلما كانت قدرة الدولة عالية.
وأوضح الرئيس، أن مصر لديها عدد سكان كبير، وبالتالي فإن الفرصة سانحة لدينا لكي يكون لدينا لاعبين متميزين دوليين، "لأن عندنا حجم شباب كبير لو خد فرصته.. والكلام ده لينا كلنا ولكل مهتم بالرياضة لو الشباب خد فرصته ويبقى عنده فرصة في لعبة معينة مش شرط كرة القدم فقط لكن في أي من الألعاب".
وأضاف: "مش عايز أطول عليكم، أنا سعيد إن انتوا موجودين معانا النهاردة، وسعيد باللي حققتوه في إفريقيا، وهبقى سعيد أكتر أو هنبقى كلنا سعداء أكتر باللي ممكن ربنا سبحانه وتعالي.. لأن طبعا المنافسة على مستوى العالم أكبر كتير من إفريقيا، وطبعا دول متقدمة جدًا في مجال الرياضة بتبقى موجودة، وبالتالي لو النتائج كويسة دا معناه إن إحنا ماشيين في الطريق السليم".
وشدد الرئيس السيسي، على أنه رغم حرصنا الحصول على ميداليات وبطولات وكلام من هذا القبيل، لكن دائمًا يبقي الأسلوب وتقديم أنفسنا بشكل يليق بمصر، مضيفًا: "يعني لو أنا النهاردة لاعب أو لاعبة موجودة خارج الدولة أو حتى داخل الدولة وكنت حريص جدًا إن أنا في ممارساتي وسلوكياتي كلها تعكس حجم كبير من التحضر والقيم الرفيعة".