شهد سعيد: الناس مش عايزيني أمثل مصر ومش هلعب عجل تاني
أكدت شهد سعيد؛ لاعبة الدراجات؛ أنها لم تتعمد إصابة زميلتها جنة عليوة خلال سباق الجمهورية الأخير موضحة أنها أخطأت بشكل طبيعي.
وقالت سعيد في مقابلة مع برنامج "على مسؤوليتي" المذاع على قناة "صدى البلد": "لو حصل العكس والله ما كنت هعمل حاجة؛ اول ما تيجي تعتذر لي خلاص؛ ابتسام زايد بطلة الدراجات واحدة وقعتها من فوق جبل وجالها كسر في الترقوة وكانت هتموت بجد ولا عملت أي حاجة؛ أصل ده وارد في الدراجات ليه هبقي متعمدة اعمل كده؟".
وأضاف: "أنا عارفة الناس مش عايزاني أمثل مصر ولكن هما ظالميني؛ هما سمعوا من طرف واحد أنا مش متعمدة وليه هبقي متعمدة؛ الحكم قال عمد ولكن انا ليه هبقي متعمدة".
وتابع: "أنا مش عايزة ألعب عجل تاني؛ هما مش عايزيني أمثل مصر مش هروح الأولمبياد؛ استجابة لطلبات الناس ورغباتها؛ وأنا لو من جوايا متعمدة هبقي مش مدايقة زي دلوقتي؛ أحنا دلوقت ماشيين بالسوشيال ميديا أي حد عايز ينتقم من حد بيبقي عن طريق السوشيال ميديا".
وواصلت: "أنا أخطأت لكن مش للدرجة دي؛ كل الناس بتهاجم ولكن انا مش متعمدة؛ أنا بقالي 4 سنين محصلش كده؛ انا اعتذرت لجنة ولكن هي رفضت وقالت ابعدي عني؛ قومت عشان ابوسها والمأمور بيقول لبنت عندها 19 سنة مع المجرمين والحرامية قالتله اه ما هي شبههم".
وفي وقت سابق، أعلن مجلس إدارة اللجنة الأولمبية المصرية برئاسة المهندس ياسر إدريس، تشكيل لجنة القيم للجنة الأولمبية؛ لبحث أزمة مشاركة شهد سعيد لاعبة المنتخب المصري للدراجات في أولمبياد باريس 2024 التي تقام خلال الفترة من 26 يوليو حتى 11 أغسطس المقبل.
وجاء تشكيل لجنة القيم برئاسة اللواء شريف القماطي، عضو مجلس إدارة اللجنة الأولمبية المصرية رئيسا، وعضوية كل من المستشار طارق أبوزيد، المستشار محمد مصطفى، المحامي هيثم علي، المحامي محمد الأسيوطي.
