لاعبة الدراجات جنة عليوة توضح تفاصيل واقعة سقوطها: "شهد عملت مصيبة"

كشفت لاعبة الدراجات جنة عليوة تفاصيل واقعة سقوطها خلال سباق الجمهورية للدراجات بعد أن اصطدمت بها اللاعبة شهد سعيد.

وقالت عليوة في مقابلة مع برنامج "على مسؤوليتي" المذاع على قناة "صدى البلد": "احنا خلاص على الفينش وكان 50 كم لفتين على طريق في السويس واحنا داخلين الفنيش خلاص وقومنا سبرينت وكنا عاملين خطة في السابق وكان على اليمين أختى حبيبة ومعانا لاعبة اتأهلت للأولمبياد وكنت بعلي السرعة عشان حبيبة تاخد الفنيش بسرعة".

وأضافت: "أنا بنزل من اليمين للشمال عشان الطريق يبقي بتاعها وتاخد الاسبرينت لقيت شهد لسه ورايا جاية من اليمين للشمال وراحت موقعاني على الأرض عشان مدخلش الأول؛ السباق ليه نتيجة فردي وفرق ولو أنا مدخلتش الفنيش الفرق بتتحسب بتلات لعيبة من نفس النادي وكده مفيش نتيجة فرق عشان خسروا اليوم اللي قبله الفرق والفردي".

وتابعت: "مصر كلها شايفة اللي حصل ولو مكانش في تعمد زي ما بتقول كانت تلف وترجعلي؛ ولكن كملت وشوفت باور مشفتوش طول السبق؛ هي بتقول إنها سندت عليا وهي لو سندت عليا هقع على اليمين ولا الشمال".

وأوضحت: "لو ساندة عليا هقع ناحية السور ولكن أنا وقعت عليها ولفيت على الأرض؛ أنا عاملة العملية في كتفي اليمين ولو كانت سندت عليا هقع على الشمال ولو كنت وقعت على الشمال كان زماني لا قدر الله ولكن هي شدتني كده ووقعت ناحيتها".

واختتمت: "في خط أبيض ظاهر في الفيديو لو أنتي عايزة تاخدي نتيجة خدي النتيجة ولفي وارجعيلي ولكن هي كملت ومشيت وهي عارفة إنها عملت مصيبة عشان كده مشيت".