شاهد.. مصطفى بكري: الشعب المصري رد على دعوات الإخوان اليوم
![الإعلامي مصطفى بكري]( /UploadCache/libfiles/20/8/600x338o/468.jpg)
أكد الإعلامي مصطفى بكري، أن الشعب المصري رد اليوم على دعوات جماعة الإخوان الإرهابية للتظاهر.
وقال بكري خلال برنامج "حقائق وأسرار" المذاع على قناة "صدى البلد": "الشعب ده بيرد في صمت حتى وهو بيتألم، شوفتوا دعوات الإخوان من 11/11 والنهاردة 12 يوليو أنا النهاردة نزلت الشارع عشان ألاقي واحد بس واقف رافع يافطة ملقتش، دا معناه كبير جدا للي مبيفهموش واللي عارفين أن الناس فاقدة الثقة فيهم لأنهم عملاء وخونة محميين من الخارج".
وأضاف: "يتكلم ويكبر المسائل ويفتعل الأزمات ويخدك في حتت كده مش مطلوب الرد عليها تكذيبها واضح وحتى هو بيقول كذب وعارف أنه بيكدب، الشعب العظيم بيرد ومفيش واحد طلع ومفيش واحد ماسك يافطة رغم زعل الناس من حاجات كتير بس لا حفاظ الشعب المصري على دولته ومؤسسات بلده وإحساسه أن في قائد موجود همه ومهموم بالبلد دي حتى لو في أخطاء كتيرة وفي أخطاء مش مفيش بس عنده قناعة أن البلد هتعدي".
وتابع: "عشان البلد تعدي لازم نبقي واضحين وصرحاء مع الرئيس والحكومة متخبوش حاجة بنتكلم بموضوعية لأن عندنا خوف على بلدنا واللي بيحكمنا هو اعتبارات الأمن القومي واعتبارات البلد دي، اللي زي ما قلت لكم حزام نار حواليها أنا عايز ألملم الداخل عشان أقف في مواجهة الخارج، أنا بتغاضى عن مشاكل وأزمات".
وواصل: "النار مولعه من البحر الأحمر وفي ليبيا والسودان والشمال الشرقي مع غزة، دي مصر اللي مبيشوفوش واللي شمتانين في البلد واللي متصورين البلد دي هتقع بكرة الشعب المصري رد عليهم والأمن على جنب كده في حتت ولكن مفيش حد نزل ورغم الأزمة والألم الشعب المصري واعي ومدرك وعنده إيمان ببلده".
واختتم: "رغم الحملات الموجهة ضد السيسي وأي حد ولكن في ثقة، صحيح يمكن الثقة شوية مهزوزة في بعض الناس ولكن عنده ثقة في الرئيس".