أحمد موسى يطالب بإعلان سعر استلام القمح مبكرا: "شجوا الناس على الزراعة"

أكد الإعلامي أحمد موسى، أن المشروعات الزراعية التي قامت بها الدولة خلال السنوات الماضية ساعدت كثيرًا في دعم الأمن الغذائي للبلاد.

وقال موسى، خلال برنامج "على مسؤوليتي" المذاع على قناة "صدى البلد": "نهضة كبيرة جدًا في قطاع الزراعة خلال العشر سنوات من 2024 لحد النهاردة".

وأضاف: "الزراعة واحد من أهم الملفات اللي كلنا نبقى حاطينه قدام عنينا وشايفينه، العالم كله بيتجه لاستغلال أي مساحة أرض عشان يزرعها، وإحنا بنعمل كده رغم التحديات اللي عندنا، السيد الرئيس عبد الفتاح السيسي أضاف 4 ملايين فدان من الأراضي الزراعية".

وتابع: "السنادي الأهالي سلموا وزارة التموين 3 ملايين و600 ألف طن قمح، ولو مفيش مشروعات توشكى والعوينات والدلتا الجديدة وغيره الرقم مكانش هيزيد عن 2 مليون طن، بقول لحضراتكم معلومة مهمة، تخيل حضرتك كل اللي عندنا واللي سلموا التموين 3.6 مليون طن منهم 1.5 مليون طن من الأراضي الجديدة المستصلحة".

وواصل: "تخيل كنت هتستورد كام وتدفع كام، لما إحنا زورنا توشكي وشوفنا القمح هناك والزراعات الموجودة أنتجوا قد إيه وحصدوا قد إيه، لو مكانتش الزراعات اللي الرئيس عملها كان كل اللي دخل وزارة التموين 2 مليون طن؛ لأن مشتغلناش من الأول على حوافز للمزارعين، لما قولنالهم 1600 جنيه الناس دخلت زراعة".

وأكمل: "لازم من بدري أقول للناس أنا هشتري منك كان السنة الجاية، الصحراء تحولت إلى قمح وبتزرع 300-400 ألف فدان وتكمل أكتر وأكتر وزيهم في الدلتا الجديدة ومستقبل مصر وشرق العوينات".