رئيس نادي مودرن فيوتشر: مقابلة نادر شوقي "تمثيلية سخيفة" وساندنا رفعت للنهاية

أكد الدكتور وليد دعبس؛ رئيس نادي مودرن فيوتشر؛ أن الحلقة التي ظهر فيها وكيل اللاعب الراحل أحمد رفعت بصحبة الإعلامي إبراهيم فايق كانت تمثيلية سخيفة لا تليق بمقدم الحلقة.

وقال دعبس في مداخلة مع برنامج "حضرة المواطن" المذاع على قناة "الحدث اليوم": "لما نجيب الأطراف المسؤولة في الموضوع مش قادر افهم النهاردة أنا جايب وكيله ولما اجيب رئيس نادي اجيب رئيس نادي انبي مال رئيس نادي انبي ومال الموضوع مش اجيب رئيس النادي الموجود في الموضوع ده غير أن الموضوع كان مبالغ فيه ومتقالش الحقيقة بالكامل".

وأضاف: "الموضوع ابتدا بكلام غلط من وكيل اللاعب؛ اللاعب جاله العرض من نادي الوحدة الاماراتي من وكيله؛ اللي جاب العرض هو الأستاذ نادر شوقي مش النادي جري عشان يجب له العرض وكيله اللي جايب العرض وهو اللي جه للنادي وطلب أن احمد رفعت يطلع عشان يكون نفسه".

وتابع: "الكلام كان بعد الواقعة اللي تمت بين جنش وأحمد رفعت خارج مصر؛ وكيله الأستاذ نادر شوقي طلب أن احمد رفعت يطلع الامارات وهو اللي جاب العرض ودا يعكس المنظر اللي كان امبارح لما قال أعاروه ويعيط دا انت اللي جايبه يا أستاذ".

وأكمل: "بعد ما جه العرض اتعرض على مجلس الإدارة واتوافق أن اللاعب يطلع الإعارة ودي رغبة اللاعب وكان مصمم عليها وكان مصلحة موجودة في الموضوع ودا من حقه ومحدش هيخاف على احمد رفعت أكتر ما احنا خوفنا عليه؛ لا أحد يزايد في مصر أن احمد رفعت ده خد العناية الكاملة من أول ثانية لأخر ثانية".

وواصل: "أي حد يطلع ويدعي البطولة كلها ادعاءات بما فيها وكيله محدش كان واقف جنب أحمد رفعت دون أي منفعة غيرنا؛ جه العرض من نادي الوحدة ثم بعد ما جاء العرض جابه الأستاذ نادر وفضل يزن في الموضوع وكان اللاعب احمد رفعت في الموضوع كمان عشان عايز يروح الامارات بأي طريقة".

وذكر: "النادي توجه لوزارة الرياضة وطلب تدي توضيح والوزارة طلعت قرار مكتوب فيه أول كلمة هي مد وكلمة مد معناها أن أنا موافق على الاولاني وبمد له على الاولاني وكده اللاعب أخد 3 شهر أنها تمد القديم أو السابق أنه يبقي في تلات شهور أخرى من المعايشة".

واختتم: "لو جبت الجوابات لأي محترف هتلاقي مكتوب فيها للمعايشة وكلمة معايشة دي مش معناها أنه رايح عنده 20 سنة وكلمة معايشة بتجدد كل 3 أشهر؛ بعد ما طلع الخطاب في الخطابات العادية اللي النادي بيطلع فيها لافريقيا الوزارة بتدينا جواب ونطلع على التجنيد نخلص الموضوع أما في حالة المد الوزارة بتخلص الموضوع تبعت للتجنيد وتاخد الرد وتبعت للنادي النادي عمل جزئيته وجاب الخطاب من الوزارة والوزارة بتكمل اجراءتها".