شاهد.. سيد علي يهاجم نادر شوقي: لما أنتوا أبطال ساكتين ليه؟

هاجم الإعلامي سيد علي، ظهور نادر شوقي، وكيل أعمال الراحل أحمد رفعت وتصريحاته بشأن تعرض اللاعب الراحل للظلم.

وقال علي، خلال برنامج "حضرة المواطن" المذاع على قناة "الحدث اليوم": "بدأت مسألة المظلومية في الحلقة إمبارح عالية أوي وكأن في سيناريو معد مسبقا، المزيكا والدموع والمزيكا المصاحبة للدموع واجتزاء الحقيقة بمعني ناس كتيرة شايفة ومنهم وكيله أنهم عارفين من اللي قهروه ومين أدوا لوفاته".

وأضاف: "لما أنتوا عارفين من قبل كده مكلمتوش ليه؟ لما أنتوا عارفين متطلعوش تقولوا الاسم، إنما تلفوا وتدوروا وتلبسوها لواحد معين من غير ما تقولوا اسمه أنتوا بتدعوا الشرف وعكسه، في نفس اللحظة طالما عارفين اللي عمل فيه كده واللي قهره مش قادرين تقولوا اسمه ليه؟ بتلفوا وتدورا ليه".

وأضاف: "ادعاء البطولة والغموض والسسبنس وأن أنا 50 واحد قالولي متطلعش طيب طلعت ليه، وأنا خايف ومتهدد بس أنا بطل هطلع وأتكلم، كل السسبنس ده سيناريو رائع جدا ولكن لما تشوفوا المحتوي هتكتشفوا حاجة تانية".

وواصل: "لما أنت بطل أوي كده وعامل أن أنت طالع وتقول وأثرت على نفسك أنك تطلع وتعمل ما تورينا عضلاتك وقولنا الأسماء عشان نعرف نتفاهم معاك".

وظهر نادر شوقي، وكيل أعمال اللاعب بصحبة الإعلامي إبراهيم فايق وأشار إلى أن اللاعب الراحل قد تعرض للظلم.

وذكر: "أتحدث الآن من أجل استعادة حق أحمد رفعت وليس للهجوم على أي جهة، طوال عام كامل كنت صامتا حتى سقط اللاعب وبعدها توفي".

وواصل باكيا: "كنت أتمنى أن يلعب أحمد رفعت لمدة 10 دقائق بعد أزمته الصحية".

واختتم: "نادي الوحدة الإماراتي الذي نشر نعي اليوم بعد وفاة اللاعب يعلمون القصة بأكملها، وكانوا يعلمون سبب تأثر مستواه، اسألوا عبد الظاهر السقا وعلي ماهر عن سبب اختفاء رفعت لعدة أشهر كان يقال خلالها إنه مصاب".