مصطفى بكري: الحكومة الجديدة لن تستمر لأكثر من سنة وعدة أشهر (فيديو)

أكد الإعلامي مصطفى بكري، ان أي وزير في الحكومة الجديدة لن يستمر في منصبه حال كان أدائه دون المستوى المطلوب.

وقال بكري، خلال برنامج "حقائق وأسرار" المذاع على قناة "صدى البلد": "الحكومة اللي فاتت فيها ناس اشتغلت وفيها ناس أدت أدوار مهمة، زي قطاع الأعمال، النهاردة وزير قطاع الأعمال راح زار المهندس محمد الشيمي وزير قطاع الأعمال الجديد".

وأضاف: "الوزير جه في أغسطس 2022 وإيرادات النشاط زادت بقيمة أظن 36.1 مليار وقيمة الإيرادات وصلت إجماليا 112 مليار جنيه مقارنة بـ 9.74% في 2023 ودا بعد خصم موضوع الشرقية للدخان في العامين الماضيين".

وتابع: "زادت أرباح الشركات لتصل إلى 27 مليار جنيه مقارنة بفترات سابقة، اللي حصل في قطاع الأعمال العام أن هناك زيادات حقيقة تمت في الأرباح ولما شوفنا حجم الأرباح يصل لأكتر من 27 مليار جنيه دا يخلينا نقول إيه اللي حصل؟".

وواصل: "المشكلة مش في قطاع الأعمال العام ولكن في إدارة قطاع الأعمال العام في مصانع اتفتحت الأيام اللي فاتت وفي مشاكل اتحلت وأبواب كانت مغلقة ودا بعقلية وزير محترم اسمه الدكتور محمود عصمت، الدكتور محمود عصمت كان بيتصدى لصفقات عديدة كان ممكن تجر مشاكل على البلد".

وأكمل: "إحنا محتاجين ناس زي كده، ناس قلبها على البلد، وبتراعي كل كبيرة وصغيرة، وبتخاف على مصر، مصر تستاهل الكثير والشعب المصري عظيم، ويستاهل ما هو أكثر، والإمكانية في هذا الإطار نتمنى أن تنعكس في التغيير الوزراء الجديد اللي شمل أكثر من 23 وزيرا من 31 وزارة".

واختتم: "أي وزير عليه علامة استفهام مش هيطول، الحكومة عمرها سنة وشوية وفي النهاية هتيجي انتخابات مجلس النواب الجديدة في 2025 وهتستقيل الحكومة وأي وزير مش هيشتغل كويس ممكن ميكملش السنة، وحركة المحافظين جيدة وعدد من المحافظين اتغير".