عمرو أديب: رجعوا طارق شوقي أو رضا حجازي لحد ما تلاقوا وزير تعليم

أكد الإعلامي عمرو أديب، أن وزير التربية والتعليم الجديد محمد عبد اللطيف لا يملك شهادة الدكتوراه مثل سابقيه من الوزراء.

وقال أديب، خلال برنامج "الحكاية" المذاع على قناة "إم بي سي مصر": "لو طلع ورقة واحدة لا تبدو كما هي الراجل ده مينفعناش، أنا قاعد حضرتك إيه يقولك 20 سنة في البي بي سي أو كنت بدرس التصوير في السي إن إن اتفضل تتعين بكرة إنما لما اكتشف أن كل ده مجرد ورق إحنا هنجرب".

وأضاف: "رجع رضا حجازي أو طارق شوقي لو زنقة دلوقت يشتغلوا شوية معانا على ما تلقى وزير، وبعدين هذا الصمت المطبق من الوزير والوزارة والمسؤولين مفيش غير الرقابة الإدارية اللي طلعت بيان وكل اللي قالته صحيح وحقيقي".

وتابع: "تجيب جوجل وتحلفهم يا جماعة الجامعة دي كويسة؟ جايز أنا مبفهمش الراجل ده أعظم اختراع في تاريخ التعليم قولي دافع عن رجالتك أو قولي على فكرة الورق ده مش مهم أوي يقولك خبير في إدارة عدد من المدارس الدولية".

وأوضح: "كان عندك مدرسة أو اتنين او أربعة، ناظر مدرسة يعني تبقي وزير التربية والتعليم؟ دا في بهوات شوفت السي في بتاعهم في الوزارة بيرلانت شوف السي في بتاع رئيس الوزراء نفسه، قولولنا خدوا دا هو ده وإحنا مسؤولين وعلى فكرة بالمرة لو عندك ناس تانية أنت شايف إنهم مش بالكفاءة دي الحق أعمل دورة تانية اتنين تلاتة تغيرهم كده مش هما دول اللي عايزهم".

وأكمل: "قد يكون أعظم شيء في الدنيا وقد يكون الحل لمشاكل مصر لو السيد رئيس الوزراء طلع قالنا أنا الشهادات متهمنيش، إحنا في وزارة من الوزرات وقت الرئيس مبارك كان في حد مش معاه مؤهل عالي، لو انتوا شايفين كده هي مسؤوليتك أنت المسؤول".

وذكر: "الناس اللي بتتعامل معاه حتى أنا دكتور في المناهج وأنا دكتور في التربية وأنت حضرتك واخدها بالتليفون؟ يا حد يطلع يعلن مسؤوليته عن هذا الأمر أو خلاص بقى".

واختتم: "أنا لا أتهم الرجل بالتزوير أو عدم الكفاءة أنا بقول إحنا فجأة معانا ورق مش يرضي المواطن المصري في الترشيح، قعدنا وقت كده لا مهي دكتوراه أهية لا أنزل تحت وأقرأ".