عمرو أديب: وزير التعليم معاهوش دكتوراه.. وخبرته كلها في إدارة مدارس الأسرة

علق الإعلامي عمرو أديب، على الجدل الذي أثير بشأن مؤهلات محمد عبد اللطيف وزير التربية والتعليم الجديد.

وقال أديب خلال برنامج "الحكاية" المذاع على قناة "إم بي سي مصر": "موضوع وزير التربية والتعليم الأستاذ محمد عبد اللطيف جالنا وزير تربية وتعليم ومنذ وصوله كان في شكوك حول مؤهلاته العلمية وهذا أمر مزعج جدا".

وأضاف: "كلام عن الماجستير والدكتوراه والجامعات اللي أخد منها الماجستير والدكتوراه، واحد يقولي فارق معاك إيه الجامعة؟ فارق معاك إن أنا لما بتقدم لوظيفة وأقول إنى زميل كلية الجراحين البريطانية غير لما أقول أنا دراس الطب أونلاين".

وتابع: "الناس بتقول الشهادات موثقة من وزارة الخارجية والسفارة المصرية بس الراجل ده معاهوش دكتوراه دا نظام له علاقة بدراسة معينة إنما مش دكتوراه مش زيه زي الراجل اللي تعب وشقي عشان ياخد دكتوراه".

وأكمل: "الراجل ده لا يصلح أنه يبقى يعلم حد أو يدرس في مكان، مش عيب يبقي معاك الدراسة الأونلاين أنت معندكش التأهيل ده، طارق شوقي كان معاه دكتوراه والدكتور رضا حجازي كان معاه دكتوراه، الراجل ده مش واخد دكتوراه وعنده مشكلة في الدراسة اللي قبل الجامعة وكل شهاداته فيها مشكلة لو حضراتكم هذا الأمر كفافي ووافي أنتوا أحرار".

وأوضح: "سؤال هل الشهادة اللي انتوا شايفنيها دي السطر الأزرق الرابع ده غير اللي واخد دكتوراه الراجل ده معهوش درجة علمية جيدة، إنما أنا شخصيا لما أتقدم لوظيفة وأقولك عندي دراسة معينة".

وأكمل: "أنا مبقولش أنه وحش أو مبيفهمش في التعليم معاه شهادات آه، ولكن لا تعني شيء في الناحية الأكاديمية هل أنتوا عايزين تجيبوا وزير تربية وتعليم معاهوش شيء في الناحية الأكاديمية، دا وزير تعليم يجب أن يكون معه المؤهلات اللازمة".

وواصل: "هذا الرجل عنده خبره في عدد من المدارس المملوكة للأسرة، هل هو ده الراجل اللي أنتوا عايزين تشيلوه مسؤولية التعليم في مصر، الورق لا تزوير فيه ولكن إيه اللي ورا ده؟ ايه هو تحصيله؟ إذا السيد رئيس الوزراء شايف إن هذا الاختيار جيد وهو مقتنع بيه فلتذهب كل الشهادات للجحيم".

وذكر: "أنا عايز السيد الوزير يطلع لنا ردود، هو ليس دكتورا، كنت أقول معانا الدكتور طارق شوقي ومعانا الدكتور رضا حجازي ولكن الراجل ده مش دكتور، هي الشهادة دي ممكن تتعادل؟ الراجل ده لو راح للمجلس الأعلى للجامعات وقالهم عايز أعمل معادلة الشهادة دي تتعادل؟".

واختتم: "هو بيقول أنه واحد الدكتوراه من جامعة كارديف سيتي، وهي جامعة عظيمة في بريطانيا، أنت لو خريج كارديف أو عديت قدامها أنت باشا، هو قال أنا معايا دكتوراه من جامعة كارديف سيتي في الولايات المتحدة ودي عاملة زي الدراسة الليلية كده، هي البلد مفيهاش حد؟ أو أنتوا شايفينه عظيم".