شاهد.. مصطفى بكري: كامل الوزير كان لازم يمسك وزارة الصناعة
![الإعلامي مصطفى بكري]( /UploadCache/libfiles/20/7/600x338o/777.jpg)
أكد الإعلامي مصطفى بكري، أن تكليفات الرئيس عبد الفتاح السيسي واضحة للحكومة الجديدة، مشيرا إلى أنه سيكون هناك تغيير في النهج والأسلوب.
وقال بكري، خلال برنامج “حقائق وأسرار”: “لما يتعمل منصب نائب رئيس الوزراء للتنمية البشرية ويمسكه وزير الصحة والسكان وهو شخصية علاوة عن أنه شخصية قضية الصحة قضيتها ولكن لديه من العقلية والرؤية”.
وأضاف: "اطلعت على تقرير كاتبه السيد الوزير فيه تحليل مضمون لقضية التنمية البشرية في التعليم والصحة والشباب ومواجهة التحديات التي تواجه البلد".
وتابع بكري: "لما تجيب المهندس كامل الوزير بعد النجاح الكبير اللي حققه في موضوع النقل ودا راجل بيروح 8 الصبح بيمشي 12-1 من مكتبه مبينامش كان لازم يمسك ملف الصناعة؛ لأنه مشكل حقيقي أمام البلد عايزين صناعة عشان نعرف نصدر وعايزين زراعة عشان نعمل اكتفاء ذاتي".
وواصل: "هذا المنصب مطلوب ومهم جدا والسيد كامل الوزير راح وقابل الناس في وزارة الصناعة، وقال اللي هيشتغل معايا يشتغل واللي مش هيشتغل هيمشي، وقال نسعى بشكل كامل أننا نهتم بالصناعة ونفتح المصانع اللي اتقفلت وأنا هشتغل في وزارة الصناعة من 8 الصبح إلى 3 العصر".
وأوضح: "وقال إن عندنا خطة طموحة عشان نطور البنية الأساسية لمصر كلها في كافة المجالات وأن إحنا هنعمل تنمية صناعية شاملة، وقال الصناعة هتكون قاطرة التنمية في مصر وهنبني على ما تم تنفيذه من بنية أساسية، وقال الصناعة الفترة الجاية هتكون من الأهمية بمكان أن نقدر نفتح بقية المصانع ونطور الصناعة ونفتح ملفات الواردات ونشجع الصناعة".