شاهد.. عزة مصطفى تعلن انتهاء عملها بقناة "صدى البلد" وتكشف وجهتها الجديدة

أعلنت الإعلامية عزة مصطفى، انتهاء عملها في فضائية "صدى البلد" وذلك خلال برنامجها صالة التحرير والذي يذاع يوميا عدا الخميس والجمعة.

وقالت مصطفى، خلال البرنامج: "أنا جيت مبنى قناة صدى البلد من 12 سنة وكان لسه مبني ومكانش في قناة طلعت، أنا دخلت المبنى يا جماعة وأجهزة هذا المكان لسه زي ما بنقول كده بورقها، أنا كنت من الناس اللي كان ليها الشرف وكنت من أوائل الناس اللي قالوا في القناة دي بسم الله الرحمن الرحيم".

وأضافت: "صدى البلد ليها عندي مكانة خاصة بحكم السنين والتاريخ والظروف والتوقيت الفترة دي، بكلم حضراتكم كمكان، جيت شوفت صدى البلد والأجهزة لسه بورقها وبعدين بقيت مع المجموعة، كمكان وناس وإدارة للقناة كان ليهم فضل عليا جدا المكان ده وناسه ليه فضل عليا وعلى رأسهم أستاذ محمد أبو العنين وكيل مجلس النواب، الراجل الوطني العظيم اللي عمري ما قلتله طلب في الشغل ورفضه".

وتابعت: "أنا لفيت محافظات مصر بكاميرات صدى البلد و12 سنة من عمري في قناة صدى البلد مع ناس وعشرة طيبة اشتغلت معاهم وحاولنا نجتهد أن نقدم حاجة مفيدة، بشكر كل الناس اللي اشتغلت معاها وبشكل كل زمايلي واحد واحد".

وأكملت: "في حد لازم أشكره ليها مكانة خاصة وهي السيدة سمية أبو العنين، ولازم أشكر كل زملائي اللي تعاونوا معايا وحاولنا نجتهد ونقدم لحضراتكم حاجة مفيدة، خطوة جديدة في حياتي المهنية هبدأها قريب على قناة الحياة؛ قناة صدى البلد ليها فضل عليا".