بعد العودة لمباريات الدوري.. عمرو أديب: هو الزمالك ملعبش ماتش الأهلي ليه؟
علق الإعلامي عمرو أديب على عودة الزمالك إلى مباريات الدولي ومواجهة سيراميكا كيلوبترا بعد أن انسحب من المواجهة السابقة أمام الأهلي.
وقال أديب خلال برنامج "الحكاية" المذاع على قناة "أم بي سي مصر": "في أشياء كثيرة أنا بفهمها وبتفهمها؛ وبقالي أسبوع كده قاعد بتأمل وعندي سؤال ملقتلوش إجابة؛ الأول كنت شايف له إجابة انما فجأة الإجابة اتلغت؛ هو احنا ليه ملعبناش ماتش الأهلي؟ هو ليه الزمالك ملعبش ماتش الأهلي؟".
وأضاف: "الزمالك النهاردة لعب ماتش سيراميكا وكان فل وكسب 4-2 بما أنك كنت ناوي تلعب ماتش سيراميكا ملعبتش ماتش الأهلي ليه؟ هو ماتش الأهلي دا عملك ايه؟ اللي كان مفهوم أنك متلعبش ماتش الأهلي وكل الماتشات اللي بعد كده عشان عندك طلبات عايز تحققها".
وتابع: "كان عندك أربعة طلبات ولم يتم تحقيق طلب طلب منهم طيب انت لعبت ماتش سيراميكا ليه طالما كنت تلعب ماتش سيراميكا ملعبتش الأهلي ليه؟ سر الاسرار يعني تقعد كده تفكر وتتأمل متعرفش الدوشة دي كلها اتعملت ليه وانسحبنا لية وملعبناش الأهلي ليه وخسرنا الـ 3 نقط ليه وهنخسر في نهاية الدوري تلات نقط ليه ونوصل للمركز العاشر والحداشر ليه؟ ايه السبب هي اتلعبت ازاي؟ في حاجة غلط اتعملت".
وأوضح: "في قرار كان يبدو فيه كرامة وفخر وبعدين فجأة نكتشف أن القرار كان غلط لانه لو كان صح مكانش حصل اللي حصل ده عمري ما فهمت الحكاية دي".
وكان الزمالك قد أعلن اعتذاره عن مواجهة الأهلي في الدوري يوم الثلاثاء الماضي احتجاجا على طريقة إدارة المسابقة وأكد أنه لن يستكمل البطولة قبل أن يتراجع ويخوض مواجهة سيراميكا كيلوبترا التي أقيمت مساء اليوم.
