تعليق شقيق شيرين عبد الوهاب على تقديم بلاغ ضده.. شركة السوشيال ميديا تكذبها
يبحث الكثير من رواد مواقع التواصل عن تعليق شقيق شيرين عبد الوهاب، على تقديم بلاغ ضده للسلطات بتهمة الاستيلاء دون وجه حق على حساباتها على مواقع التواصل الاجتماعي، حيث خرج محمد عبد الوهاب عن صمته إزاء تلك الاتهامات المتكررة له من جانبها.
تعليق شقيق شيرين عبد الوهاب على البلاغ ضده
وأوضح محمد عبد الوهاب شقيق الفنانة شيرين عبد الوهاب، في منشورًا عبر حسابه الشخصي على موقع التواصل الاجتماعي، تفاصيل ما حدث له في أزماته الأخيرة معها واتهامها له، بأنه باعها لشخص آخر وسيطر على حساباتها بمواقع التواصل الاجتماعي.
وكتب محمد منشورا عبر حسابه الشخصي بموقع التواصل الاجتماعي "فيسبوك"، وأرفق معه قرار النيابة بحفظ القضية التي حركتها شقيقته ضده، قائلًا: "كل واحد عنده قدرة على تحمل الأذى لكن للقدرة دي حدود.. ده قرار النيابة العامة بالحفظ إداريًا في كل الاتهامات اللي اتوجهت ليا بتاريخ 19/12/2022 يعني من سنتين".
وأضاف أن "الاتهامات كانت كسر الضلع والعشرين راجل اللي دخلت بيهم على أختي! وطبعا موضوع السكينة! واتسألت علي التوكيل بتاعي وبتاع أمي من وكيل النيابة المحترم وكله مثبت، س سوال ج جواب. التوكيل اللي بتقول ان انا أسأت استخدامه".
محمد عبدالوهاب يكذب اخته شيرين عبد الوهاب
وتابع: "وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها أن بنتها اتنازلت وأنا أستحمل أي حاجة إلا إنها تتوجع في ولادها، وبناء عليه رضيت بالظلم لوحدي لكن الحقيقة غير كده".
وأردف "أنا اتطلبت في النيابة واتسألت رسمي وتم إخلاء سبيلي من النيابة علي ذمة القضية لحد ما اتحفظت القضية بس انتي بقي بشطارتك وبأهل الشر اللي حواليكي اللي خسروكي نفسك وأهلك، خليتيني انهارده أطلع أقول جزء من الحقيقة للناس رغم إن ده آخر حل كنت أحب ألجأ ليه. وده حق ربنا لا ظلم ولا افترى".
وواصل تصريحاته: "نفس الكلام اللي من سنتين بيتعاد تاني معرفش لمصلحة مين مع أني بعيد عنك وعن حياتك من سنين قبل الواقعة وسنتين من بعدها ده قرار النيابة العامة الموقرة في الافتراءات اللي اتوجهتلي، مش بيان من محامي. وأي حاجه هرد بيها هتكون مستند حكومي عليه ختم النسر، مرفق هنا الفيديو بتاريخ 11/11/2022 اللي قولتي فيه أنك اتنازلتي ولعبتي دور الضحية، ومرفق برضو المستندات الرسمية اللي بتثبت أن القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك".
آخر أعمال شيرين عبدالوهاب
وكانت الفنانة شيرين عبد الوهاب قد أصدرت مؤخرا، بيانا رسميا أكدت فيه استغلال شقيقها محمد لها من خلال توكيل عام رسمي قديم سيطر من خلاله على حساباتها بمواقع التواصل وسلمها لشخص آخر، وقررت أن تقاضيه من خلال بعض التهم الأخرى.
اقرأ أيضا
بعد الاستيلاء على أموالها.. شيرين عبد الوهاب تتقدم ببلاغ ضد أخوها
