شاهد.. أحمد موسى ينتقد قرار إغلاق المحال الساعة 10 مساء: هيوفر كام يعني؟
انتقد الإعلامي أحمد موسى، قرار إغلاق المحال التجارية في العاشرة مساء، مشيرا إلى أن ذلك سوف يؤثر على حركة البيع والشراء.
وقال موسى خلال برنامج "على مسؤوليتي" المذاع على قناة "صدى البلد": "النهاردة عديت على مدينة نصر وعديت عباس العقاد الساعة كام؟ اتنين إلا ربع، عباس العقاد ده من أكبر الشوارع التجارية ومفيش واحد واقف قدام المحل".
وأضاف: "كافيهات كل كافيه فيه 2-3 قاعدين، دول المغرب ودلوقتي متلاقيش موضع لقدم، لما تقلهم الساعة 10 اقفلوا أقفل إيه الساعة عشرة، هو أنا أصلا دخلي كام جنيه؟، العشا بتخلص الساعة عشرة على ما الإقامة تخلص وتصلي العشا ومساجد بتخلص الساعة عشرة وعشرة".
وتابع: "إيه هو اللي أقفل المجلات الساعة عشرة، يا جماعة هذا القرار يحتاج دراسة متأنية قبل تطبيقه هيأثر على الناس بجد، واللي بكلم حضراتكم عليه دا الواقع، انزل الضهر والمغرب لحد الساعة 10 باليل".
وأكمل: "القرار ده محتاج تأني جامد، مينفعش هتتأثر بجد حركة البيع والشراء، مفيش بالنهار حد بينزل يشتري والأسر بتنزل بعد الضهر والكهربا قاطعة ينزلوا الشارع يبصوا على المحلات يقعدوا يشربوا حاجة نسمة هو، الناس بتحب تتفرج على المحلات مش لازم تشتري".
وأوضح: "أرجوكم شوية نتأني كثيرا في إغلاق المحلات الساعة عشرة بالليل، بعض الناس بتقول ما يروحوا الصبح مين بينزل الصبح يشتري؟، وأنا بقوله حافظ على نفسك من الإجهاد الحراري وضربات الشمس، بقوله انزل اشتري بالنهار وعندي باليل أقوله عشان الكهربا هتوفر قد إيه المحلات اللي أتكلم عليها دولة رئيس الوزراء؟ 3% 2% 4% ممكن توفر لي ده يعني؟
