شاهد.. أحمد موسى: أي رقم بتصرفه مصر في 10% منه رايح للاجئين

طالب الإعلامي أحمد موسى، اللاجئين الموجودين في مصر باستغلال الفرصة الأخيرة لتوفيق أوضاعهم، وفقًا لما أعلنته وزارة الداخلية.

وقال موسى خلال برنامج "على مسؤوليتي" المذاع على قناة "صدى البلد": "يوم الأحد الجاي دي المهلة اللي الدخلية مدياها للناس الموجودين لتوفيق الأوضاع وبالتالي من هنا لحد يوم الحد عندهم بكرة لأن بعد كده عندهم إجازات ويوم الحد إجازة".

وأضاف: "لازم نقول رسالة واضحة مفيش حد أبدًا يفرض علينا أمر واقع، لن يحدث أيا كان مين وأيا كان العدد والناس تبقى عارفة كدة ومينفعش أبدًا البلد العظيمة اللي فتحت بيوتها وحدودها واستقبلت ملايين من الناس عايشيين معانا باحترام وإنسانية وعلاج وتعليم ونقل ومواصلات وكل شيء، النهاردة كنت بكلم احد كبار المسؤولين بندردش وبنتكلم في هذا الإطار، هل تعلموا لو أنا صرفت مليار دولار على الكهرباء الكام شهر اللي جايين بس احنا محتاجين في السنة 3 مليار دولار، أي رقم بتصرفه في 10% منه رايحين لمن نطلق عليهم الضيوف أو في أوصاف أخرى اللاجئين".

وتابع: "عدده كام 10 مليون ودا رقم مش بسيط، حضرتك إحنا كدولة اتعاملت وبتتعامل مع الجميع بكل إنسانية مفيش دولة في العالم من أول أمريكا وأنت جاي تعاملت مع هذا الملف زي مصر، الإنسانية والاحترام لما رحت السنة اللي فاتت ميناء أرقين وقابلتهم واتكلمت في ابريل 2023 من سنة بالظبط وشوفتوا الناس بيتكلموا إزاي على مصر".

واختتم: "رغم أزماتها مصر مقالتش لا، الدول دي عندهم عدم استقرار وإرهاب، ودا حصل في سوريا وليبيا والسودان وحتى إثيوبيا والصومال موجود عندنا بتكلم عن 100 جنسية موجودة أهلا وسهلا".