شاهد.. أحمد موسى: وقف تخفيف أحمال الكهرباء هو الخبر الأهم للمصريين

أكد الإعلامي أحمد موسى، أن البيان الصادر اليوم بشأن زيادة تخفيف أحمال الكهرباء أوضح عدد من الأمور، مشيرًا إلى أنه كان يحتوي أيضًا على اعتذار للمواطنين.

وقال موسى خلال برنامج "على مسؤوليتي" المذاع على قناة "صدى البلد": "النهاردة لقينا وأنا كنت بتكلم امبارح على الكهرباء، وكنت واضح في كلامي وقلت ايه يخلي الناس بكره تتأكد أن النهاردة وبكرة بس؟ كنت متوقع أن الموضوع مش هيكون يوميًا، وصلنا لحد آخر الأسبوع تخفيف احمال".

وأضاف: "طلع بيان النهاردة مصبوغ بالاعتذار؛ في خطة الكهرباء والبترول قعدوا مع بعض محتاجين قد ايه؟ وزير الكهرباء والبترول يقعدوا مع بعض حضرتك محتاج كميات قد ايه السنادي؟ هقولكم البيان بس عشان نعرف المنظومة الحكاية حصل فيها ايه".

وتابع: "يبقى إحنا مبقيناش يومين إحنا بقينا لحد يوم الجمعة يارب يبقي الخميس أو الأربع، الساعة دي مستمرة معانا اللي كان ساعة بقي اتنين واللي كان 2 بقى 3 بنتكلم على زيادة ساعة إضافية، في بالمناسبة أماكن الكهربا بتقطع عندهم أكتر من 3 ساعات بس دي أماكن مش كتير".

وأوضح: "أنا على عايز ساعة ولا خمسة ولا نص ولا ربع، أنا بحلل وبقرأ ليكم البيان محدش عايز تخفيف أحمال، محدش عايز نهائي ولكن البيان بيقولنا أن في ساعة إضافية، الجديد تم اتخاذ إجراءات عاجلة وفورية لاستيراد وضخ شحنات وكميات إضافية".

وأكمل: "الحكومة اتخذت إجراءات عاجلة وفورية لضخ شحنات من الغاز والمازوت لمواجهة الاستهلاك المتزايد لدرجات الحرارة، الموجة الحارة مستمرة لنهاية الأسبوع، درجة الحرارة وصلت اليوم إلى 42 درجة ومستمرة معانا الأيام الجاية أربعينات وهتبدأ الأسبوع الجاي ترجع شوية".

وواصل: "الأمر اللي بنتمناه بإذن الله تعالي، ربما يكرم البلد ويجي بيان يقولنا خلاص انتهينا من تخفيف الأحمال، على فكرة الشعب المصري بالنسباله الخبر ده أهم خبر، الدينا تكون استقرت والطقس هدي وميبقاش في استهلاك للكهرباء كتير وتبدأ الدولة تضبط منظومة الكهرباء والغاز والمازوت والاستهلاك ومنظومة التمويل من الآخر لو أنت معاك فلوس هتوفر الشحنات اللي أنت محتاجها".

واختتم: "الشعب المصري له حق أن الكهرباء دي تفضل موجودة لأنه بيدفع في الآخر اللي مشغل تكييف حد بيجامله؟ محدش بيجامله هو له حق في الكهرباء وشركة الكهرباء ليها حق في أنها تاخد قيمة الكهرباء".