أحمد موسى: الفخر للبلد رغم قطع الكهرباء.. الدولة تسابق الزمن وتتحدى الصعاب (فيديو)

أكد الإعلامي أحمد موسى، أن ما يقام في توشكي يعد إنجازا كبيرا للدولة، مشيرا إلى أن العمل يتم على الرغم من الصعوبات التي تمر بها البلاد.

وقال موسى، خلال برنامج "على مسؤوليتي" المذاع على قناة "صدى البلد": "كنت في زيارة مهمة جدا إلى توشكي، النهاردة بعد الفجر مع حوالي 40-50 من الزملاء والزميلات من الإعلاميين والإعلاميات والحوار الوطني وشخصيات عامة، كنا موجودين في توشكى، الساعة 11 الصبح درجة الحرارة 48".

وأضاف: "الساعة تلاتة ونص درجة الحرارة 51، ولكن كنا فرحانين جدا وسعداء جدا باللي البلد عملته واللي البلد بتعمله في توشكى، كنا فخورين بالناس اللي بتشتغل في درجة الحرارة 51، لما الشغل هيتم تجهيزه وتشوفوه مش هنتكلم كتير".

وتابع: "أنا وصلت القناة الساعة تمانية ونص، إبهار على أرض توشكى الخير، كل التحية لكل قائد وبطل بيشتغل وحريص على تنمية مصر، توشكى بالمناسبة تبعد عن حدودنا الجنوبية مع السودان حوالي 45-50 دقيقة، عن ميناء أرقين عشان تعرف البلد بتعمل إيه وشغالة فين".

واختتم: "الشغل يا جماعة بيتم والله كل الفخر للبلد العظيمة رغم الصعوبات والمتاعب والكهرباء قطعت، تاني بقول لحضراتكم كل ده بيعدي وكل هذه الأزمات هتعدي ولكن اعرفوا بلدكم بتعمل إيه، تسابق الزمن وتتحدى كل الصعوبات اللي كانت في توشكى".