شيرين عبد الوهاب تتصدر الترند بسبب تسريب صوتي.. ما القصة؟
تصدرت شيرين عبد الوهاب، منصات السوشيال ميديا، وذلك عقب الحديث عن التسريب الصوتي الذي تم تداوله لطليقها حسام حبيب، وتوقع رواد مواقع التواصل الاجتماعي أن هذا التسريب سوف يكون سببًا في عدم ظهور شيرين عبد الوهاب الفترة القادمة.
حسام حبيب تحدث عن عائلة شيرين عبد الوهاب خلال التسريب، قال إنه لا يشرفه بأن تكون هذه العائلة عائلته، ووصفهم بظالمين لابنتهم.
وقال في التسجيل الصوتي المتداول: "الأغاني خلصانة وزي الفل وتحفة بس هي مش في المود، ده من كتر اللي بيتعمل فيها من أهلها، هي مش هتطلع تتكلم عنهم لأنهم أهلها، لكن أنا قررت أتكلم لأن دول مش أهلي ولا يشرفني إنهم يكونوا أهلي، دول ناس ظلموها باعوا السوشيال ميديا بتاعتها متخيل؟".
وأضاف حبيب: “استولوا على بيوتها وعلى فلوسها وعلى طاقتها، مش هقدر أقول عملوا فيها إيه، قابلوا الإحساس ظلم، أخوها تعدى عليها في غرفة نومها وضربها بسلاح، أنتوا ما تعرفوش حاجة، تهديدات ٢٤ ساعة، حرام ولا غلطة من دول هي ليها فيها يد”.
وتابع: "حقها تاخد علاج وتتخن وحقها عليكم تصبروا عليها، الصبر الجميل وبشر الصابرين إذا صبروا، وأنا بقولك الأغاني خلصانة بس هي في حالة أنتوا مش فاهمينها، منتهى الظلم أقرب الناس ليك هو اللي بيدبح، الله يكون في عونها ويوقفها على رجليها، أدوها مساحتها، لو مش أنتوا اللى مش هتصبروا عليها مين هيصبر عليها، قولولها حتى لو بطلتي تغني هنفضل نحبك وشوفوا هيحصل فيها إيه، أنا أقرب واحد ليها وعارف شخصيتها وعارف نفسيتها".
