عمرو أديب عن واقعة عمرو دياب: "الخطأ مشترك"
أكد الإعلامي عمرو أديب؛ أن هناك خطأ مشترك ارتكبه المطرب عمرو دياب والشاب الذي حاول التقاط صوره معه خلال أحد حفلات الزفاف التي كان يقوم دياب بإحيائها.
وقال أديب خلال برنامج "الحكاية" المذاع على قناة "أم بي سي مصر": "موضوع عمرو دياب؛ على بلاطة وبصراحة الخطأ مشترك؛ أولا الشاب اللي راح شد عمرو من ضهره وعلى طول خد معاه سيلفي؛ الراجل بيشتغل مش مركز وجه الشاب بالإجبار راح شده ومقالوش لو سمحت عايز أخد سيلفي".
وأضاف: "تبين أن الشاب ده حاول يعمل الموضوع ده قبل كده مع محمد رمضان؛ محمد رمضان واقف يمكن تركيزه اعلى شوية وعمرو بيغني؛ والخطأ التاني رد فعل عمرو كان كتير أوي ولكن كمان الوضع غريب يعني.
وتابع: "عمرو مكانش ينفع يدور ويضرب الشاب والشاب مكانش من المدعوين لا هو من اهل العريس ولا العروسة واللي عمله عمرو تصرف إنسانيا غير مقبول".
وأكمل: "أنا بشتغل حطيت أيدك في وسطي طيب ايه الفكرة؟ وحطيت الموبايل في وشي طيب أنا عليا من ده بايه؛ كان ممكن عمرو يزقه ولكن رد الفعل كان كبير وزيادة ونفس الطريقة شد محمد رمضان بايده عشان يتصور".
واختتم: "في الموضوع ده في ناس تستحمل وناس لا؛ والراجل ده كان واقف بيشتغل ويغني وفي لحظة لقي واحد بيشده؛ احنا بنتكلم على الجانبين المشهور ده عليه واجب".
