عاجل.. زوجة سفاح التجمع: كنت سأصبح ضحيته الأولى
![المتهم كريم سليم]( /UploadCache/libfiles/20/5/600x338o/495.jpg)
أكدت لبنى غانم زوجة كريم سليم الشهير بسفاح التجمع، أنها كانت تتعرض للضرب خلال فترة زواجها، موضحة أنها أفلتت من محاولات زوجها لقتلها.
وقالت غانم في مداخلة هاتفية مع برنامج "الحكاية" المذاع على قناة "إم بي سي مصر": "سنين بدور عليه وبحاول أوصل لأي حد وعايزه ابني ومش عارفة أوصل له هو خد أبني مني وحاول يقتلني أنا وأخواتي من 3 سنين وأنا كان مفروض أبقى أول ضحية عنده".
وأضافت: "كنت بهرب منه عن طريق أصحابي أو عيلتي وكان لازم أهرب لأن كان ممكن أموت، كان في فترة الجواز باين عليه نزعة للعنف وكان في البيت حاجة وقدام الناس حاجة تانية".
وتابعت: "أنا بقالي 3 سنين بحاول أكلم الناس دي عشان أوصل لأبني، ووالدته مش عايزه ابني يشوفني ويمكن عشان خدوا ابنها فهي عايزة تأخد مني أبني".
وأكملت: "أنا كنت بحسب أنه عايز يعمل ده معايا بس وإخواتي بقالهم 3 سنين هربانين منه وأنا 3 سنين كنت مستخبية من واحد عايز يقتلني ومعرفش بيلاقيني إزاي، سافرت بريطانيا وقعدت مع أمي ومكنتش عايزه أسافر عشان مكنتش عايزة أبعد عن ابني".
وواصلت: "أنا عشت معاه 9 سنين وكان هيقتلني قدام ابني وكان بيضربني قدام ابني وفي الآخر كنت بتحمل عشان ابني وبعدين أختي الصغيرة جات من بريطانيا وبدأ يعمل نفس الحاجات معاها وقالها لو ممشتيش من البيت هموتك وأنا أخدتها للقاهرة وجبتلها بيت".
وذكرت: "كان شخص غير طبيعي ووالدته كمان بتخليه يعمل كل حاجة وهو معندهوش الجنسية الأمريكية، وكان عنده تهم تحرش في أمريكا ولكن مفيش حد قالي لغاية سنتين بعد الجواز".
واختتمت: "أنا رفعت قضية من زمان عشان أخد ابني، والشهادة بتاعته حتى أشتراها ووالدته اللي سهلت ليه أنه يشتغل في أماكن مش مفروض يكون موجود فيها هو رفع عليا قضية زنا وأنا أخدت براءة لأنها كانت كدب".