عاجل.. عمرو أديب يطالب الحكومة بإعلان موقفها من اللاجئين: "أنا خايف يحصل حاجة"

طالب الإعلامي عمرو أديب، الحكومة الجديدة بإعلان موقف واضح من قضية اللاجئين الموجودين على الأراضي المصرية.

وقال أديب خلال برنامج "الحكاية" المذاع على قناة "إم بي سي مصر": "اللي بيتقال أن عندنا ناس كتير والموقف الرسمي أن بنهيب بالدول اللي عايزة تساعد دي أن تساعد مصر في هذا الأمر دا الموقف الرسمي مفيش موقف آخر أنك هترحلهم أو هتمشي نصهم أو ربعهم".

وأضاف: "اللي بيجرا أن هناك تصعيدًا شديدًا ضد الناس اللي عايشة في مصر دي أنا خايف في يوم يحصل حاجة، إحنا عايزين يبقى في سلام بين كل الناس اللي عايشة في البلد دي، أنت مش قادر تشيلهم متشلهمش".

وتابع: "يقولك دا في واحد كان منزل خريطة والدنيا مقلوبة ومولعة طيب إيه يا جماعة أنتم موقفكم إيه؟ أنت مصر أم الدنيا التي تحتوي الجميع؟ ماشي أنت مصر اللي عندها مشاكل ماشي، أنت هتقولي عندك كام لاجئ في مصر؟ ولا حد هيقولي".

وأوضح: "قدامك تحديات وأسئلة يجب أن تجيب عليها بكل بساطة في مجلس النواب تكلمه في حوار وطني تكلمه قولوا للناس عايزين تعملوا إيه".

وأكمل: "انعموا علينا وقالولنا في شهر 12 مش هيتقطع النور، هتعمل إيه بقي إزاي؟ وشريحة النور هتبقي إيه؟ بنتكلم أن سعر الكهرباء هتزيد الشهر اللي بعد الجاي، وطبعًا دا معاه مايه ومعاه غاز في ثالوث كده لما بيزيد كله بيزيد والجنة بتاعة البترول أظن في يوليو بردو".

واختتم: "عندنا 3-4 أيام لاختيار ناس تعمل في مجموعة، لأن الصندوق واضح جدًا في رؤيته المستقبلية بالنسبة لمصر، أشياء موجودة هتخلي الحياة مش سهلة أوي وتاني الصندوق لا يفرض عليك شيئًا ولكن أنت بتقوله ده اللي أقدر أعمله".