شاهد.. مصطفى بكري للحكومة الجديدة: "براحة على الدعم.. وبثوا الأمل في الناس"
![الإعلامي مصطفى بكري]( /UploadCache/libfiles/20/5/600x338o/483.jpg)
طالب الإعلامي مصطفى بكري الحكومة الجديدة بالعمل على تحقيق المبادئ الثمانية التي حددها الرئيس عبد الفتاح السيسي في خطاب التكليف.
وقال بكري خلال برنامج "حقائق وأسرار" المذاع على قناة "صدى البلد": "المبادئ الثمانية التي أعلنها الرئيس في خطاب التكليف يجب أن تترجم ترجمة حقيقة، والحكومة الجديدة يجب أن تتفادى كل الأخطاء وتقدم نفسها للشعب وتسمع للناس ورجال الأعمال والمستثمرين والشكاوى وأهات المقهورين والشقيانين".
وأضاف: "لازم بدل ما تدي ساعتين كهربا وعايز تعملها تلاتة ارجع لساعة وبعدين شيلها خالص، بالراحة على الدعم في طبقات مبتعرفش تعيش من غير الدعم، آه عارفين الدولة بتتكلف كتير، ولكن واحدة واحدة متصدروش الأزمات والمشاكل لرئيس الدولة".
وتابع: "براحة عشان الشعب والناس والغلابة وعشان الناس اللي بتكح تراب، والله بلدنا تتمتع بقيم وميزات وشعبها عظيم ومؤسساتها عظيمة وقائدها يتمنى يعمل كل حاجة لمصلحة الشعب، الظروف صعبة والدنيا برة مولعة مش إحنا بس ولكن الناس عندها أمل في بكرة".
وأوضح: "أرجوكم بثوا الأمل في نفوس الناس، لا تطفئوا الشموع أمام الناس يا حكومة يا جديدة ياللي جايه وإحنا سامعين أسامي كويسة ونتمنى بالفعل نشوفها، نتمنى بالفعل أن الفترة الجاية تبقى فترة تفاؤل وأمل ويبقي عندنا ممارسة جديدة وأساليب جديدة والوزراء ينزلوا الشارع اعملوا زي الريس إحنا عايزين كل واحد ينزل ومتبقاش المسألة مكاتب حكومية".
وذكر: "نفس الأمر مع المحافظين وحركة المحافظين هتتم بعد الوزارة مباشرة، عايزين الناس تعيد وهي مبسوطة والرقابة تزداد وتشتعل في كل مكان بحيث تمسك أي حد بيستغل الناس يبقي تحت سيطرتك، البلد دي ملناش غيرها وهي بلد عظيمة وهتعدي، خلو عندنا أمل ومنعرفش نعيش من غير أمل، اليأس والإحباط يؤدي إلى مشاكل جمة".