أحمد موسى: الموازنة الجديدة فيها إيجابيات وأعباء

أكد الإعلامي أحمد موسى، أن الموازنة الجديدة التي من المقرر أن يناقشها مجلس النواب غدا تحتوي على كثير من البنود الجيدة التي تشكل فائدة للمواطن.

وقال موسى خلال برنامج "على مسؤوليتي" المذاع على قناة "صدى البلد": "بداية شهر يونيو كل سنة الناس تترقب أمر ما؛ ويمكن السنتين التلاته اللي فاتوا نتيجة الكورونا والحرب الروسية والأوضاع الدولة أجلت حاجات كتير لغاية الأيام اللي فاتت واللي حصل في سعر العيش والأيام الجاية ممكن الكهرباء أو الوقود".

وأضاف: "اطلعت على مشروع الموازنة الجديدة اللي هتبدأ 1 يونيو المقبل؛ بكرة مجلس النواب سيناقش مشروع الموازنة الجديدة برئاسة الدكتور حنفي الجبالي رئيس المجلس؛ المجلس المحترم والنواب المحترمين أرجوكم المواطن".

وتابع: "كلنا عارفين ظروف الدولة مفيش حد مش عارف من الـ 106 ملايين ولكن على مدار اليومين اللي فاتوا من يوم الأربع لحد قبل الهواء بثواني كل الناس ملف الدعم وملف الأسعار طيب احنا مرتباتنا أخبارها ايه طيب المرتبات النهاردة بتكفيني والا لا". 

وواصل: "الأجور والقطاع العام والحكومة والقطاع الخاص وكل ده؛ مجلس النواب عليه هذه المسؤولية التاريخية عندما يتم مناقشة مشروع قانون خطة عام 2024-2025 ايه اللي بيتم وايه اللي ممكن يتحمله المواطن هل ممكن ادعمه بحاجات إضافية أو لا؛ أنا قريت من حوالي 300 صفحة نصهم؛ هناك إيجابيات كثيرة ولكن قد يكون هناك بعض الأعباء ولكن الحكومة وضعت مخطط مثلا على سبيل المثال؛ زيادة مساحات أراضي القمح والذرة والصويا والفور ودا هينعكس على الامن الغذائي والتصدير".

وأكمل: "حاجات تانية أخرى تتعلق بالمرتبات والأجور والتضخم اخباره ايه فلوس أخرى ومشروعات أخرى غير رأس الحكمة؛ رئيس الوزراء كان عامل اجتماع يوم الخميس وقال رأس الحكمة بداية وليس النهاية وبالتالي احنا رايحين فين".

واختتم: "المواطن النهاردة ما يعنيه الأسعار؛ هذا ما يعني المواطن بشكل عام؛ دخلي الحد الأدنى للأجور ارتفع؛ وصل 6 ألاف جنيه والمعاشات بعض الناس بتقول يادوب مع اللي بيتم ده هقضى الوقت ازاي؟".