عمرو أديب للحكومة: مش كل حاجة الأرقام.. والناس متحملة لجدعنتها

أكد الإعلامي عمرو أديب، أن الحلول الاقتصادية للأزمات ليست دائمًا الأمر المثالي، مشيرًا إلى أن هناك أبعاد اجتماعية يجب النظر إليها.

وقال أديب برنامج "الحكاية" المذاع على قناة "إم بي سي مصر": "علميًا الدعم في كل حته في العالم مشكلة البلد اللي فيها سعرين دي مشكلة هتحل إزاي؟، أنت حاسس أن عليك ضغط وميزانيتي كذا الحلول الاقتصادية ليست دائمًا الناجعة، في بعد اجتماعي واضح أنت بتزود الأسعار وهي زايدة، هتعمل إيه مع الناس؟".

وأضاف: "هل الناس راضية عن فاتورة الكهرباء الناس بتكلم أن الفاتورة عالية حقًا وصدقًا الآن، أنت لما تقولي هزود حاجة بسيطة، مصر بتتلكك على التضخم، والراجل البقال هيقولك الكهرباء زادت وسعر الجبنة ارتفع، تحس أن التجار حزانى أن الأسعار بتنزل، أرجع للوراء هل الأسعار اللي كنا بندفعها دي الحقيقة". 

وتابع: "الرغيف كان 160 جرامًا والنهاردة حد بيقولك 90 جرامًا ولكن دا مش 90 جرامًا، هل أنت متخيل أن الناس لما تقولها كده بكده الناس بتصدق أو لما واحد يكتب بوست على تويتر يقولك دا لمصلحة مصر".

وذكر: "المواطن السويسري لما السعر يزيد عمره ما يقول ده لمصلحتي، علمونا في الإعلام أن في حاجتين يقفلوا أي برنامج على مدى 30 سنة البنزين والعيش".

وأوضح: "الأرقام عاملة حاجة للحكومة دي شغلاهم أوي ليس كل شيء الأرقام، الناس مستحملة لمعدنهم الأصيل لجدعنتهم وتفهمهم وإنما في النهاية أنت قايلي هتزود الأسعار في كذا وكذا وكذا ودا اللي لازم نشتغل فيه كله".

واختتم: "مجلس النواب إلا ما لقيت حد في مجلس النواب أتكلم في الموضوع ده روحوا هاتوا رئيس الوزراء قولوله أنت إزاي هترفع الأسعار دي وتحافظ على أن المواطن يستمر".