عاجل.. مصطفى بكري: "الحكومة بتقول هنغلي البنزين.. يا عم بالراحة"
أكد الإعلامي مصطفى بكري، أن الوضع الاقتصادي الحالي صعب، مشيرًا إلى أن الرئيس عبد الفتاح السيسي بذل جهودًا كبيرة خلال الفترة الماضية.
وقال بكري، خلال برنامج "حقائق وأسرار" المذاع على قناة "صدى البلد": "الحرب الاقتصادية تشن ضدك في كل اتجاه، هتعمل إيه أما موديز تطلع وتنزل تصنيفك الائتماني في غير معاده أو لما يطلب من الأموال الساخنة تطلع فجأة أو لما تيجي أزمة صحية عالمية توقف نموك".
وأضاف: "هو في حاكم في الدنيا يتمنى أن شعبه يبقي ساخط عليه؟، هو في حاكم بوزن وقيمة الرئيس عبد الفتاح السيسي الراجل اللي حط روحه على كفه أوعوا تنسوا ده وإذا نسينا ده لا خير فينا".
وتابع: "أوعوا تنسوا أن في مقاتل في يوم من الأيام كان ممكن يستمر رئيس وزارة مع محمد مرسي لما عرض عليه".
وواصل: "يمكن المشاكل صعبة ويمكن حظه وحش ويمكن آماله كبيرة وطموحاته كبيرة ولكن أوعى تتصور للحظة من الوقت أن الرئيس لو في إيده حاجة يعملها ومكانش عملها، أوعى تتصور أن كل حاجة في البلد بتتعمل لعبد الفتاح السيسي وبكره وبعده، ما إحنا بنتكلم على الخديوي إسماعيل وبنقول عمل وعمل وبنتكلم على محمد علي ولما تيجي تقرأ التاريخ تشوف مشاكل وأزمات ولكن ذلك لا يطوي صفحة نظيفة في حق هذا الوطن".
وأكمل: "لازم أقرا الظروف كويس أوي ومصدرش أحكام عاطفية أو كلام ممكن يتقال لأي سبب، كلنا عارفين الظروف الاقتصادية وعارفين ظروف أهلنا وناسنا وعارفين الغلابة وقد إيه بيتستروا برغيف العيش وعارفين الطبقة المتوسطة تعبانة قد إيه بس إيه البديل بقى نخربها ونقعد على تلها ولا نستني شوية ونتحمل شوية".
وأوضح: "بطلب من الحكومة يا حكومة ديري الملفات بشكل صح، طالع دلوقتي بنقول هنغلي البترول يا عم براحة في حاجة اسمها فن إدارة الأزمة الشعب ده متحمل كتير، متقعدش النهاردة تقول الأدوية هتزيد أنتوا بتعملوا ربكة في البلد، الشعب ده عايز اللي يطبطب عليه مش اللي يستفزه".
وأوضح: "إمبارح كان معانا المهندس إبراهيم خيال، وقالك في فاقد 60% من الكهرباء، طيب ما أنا أشوف حكاية الـ60% دي حد فيكم كلمه أو رفع التليفون قاله تعالي؟، ولا حاجة أنسى يا عم".
