مصطفى بكري عن زيادة سعر الخبز المدعم: "مش كل القرارات مرة واحدة" (فيديو)

علق الإعلامي مصطفى بكري، على قرار الحكومة زيادة سعر رغيف الخبز المدعم من 5 قروش إلى 20 قرشًا بداية من أول يونيو.

وقال بكري خلال برنامج "حقائق وأسرار" المذاع على قناة "صدى البلد": "لا حديث للناس إلا عن رغيف الخبز، الحكومة تقول إن تكلفة الرغيف 125 قرش وأن عدد المستفيدين حوالي 71 مليونًا وأن القيمة الاجمالية للدعم المقدم سنويا حوالي 130 مليار جنيه ومن سنتين كان حوالي 5 مليارات جنيه، وهي بتقول إن كمية القمح المطلوبة سنويًا كانت 14 مليون طن ودلوقت وصلت إلى 18 مليونًا وزي ما قال السيد الرئيس عندنا من 2011 حتى الآن حوالي 25 مولود جديد".

وأضاف: "دا كله عمل مشكل حقيقي على أرض الواقع، ولكن هناك أيضًا فئات شايفة أن الزيادات بتأثر عليها من الناحية الاجتماعية والمعيشية المشكل أن دا بيجي وسط عدد آخر من الأمور، الكلام عن الكهرباء والدواء والمفروض نراعي مصلحة الناس بشكل أو بآخر".

وتابع: "أنا لما بزق كل ده مع بعضه بهذه الطريقة حتى الإخراج يجب أن يكون مقبولا عند الناس، الناس مدركة التحديات ومدركة الأوضاع الصعبة اللي بتعيشها البلد وتداعيات الازمات العالمية، الشعب المصري عظيم وعمره ما بيتخلي عن بلده ولكن أيضًا لما أجي أنفذ حاجة لازم أنفذها بقدر من الوعي والإدراك لمخاطر المرحلة وطبيعتها وحاجة الناس".

وواصل: "لما أكون عايز انفذ قرار مش بالضرورة كل القرارات تيجي مرة واحدة مينفعش، لابد أن نتعامل بنوع من إدارة الملفات بشكل يساعد الناس في أنها تمضي بحياتها وزي ما قلت المصريين صمدوا وصبروا منن 2016 مع الإصلاحات الاقتصادية وتحملوا وبالتأكيد مسألة رغيف العيش، صحيح الدولة بتتحمل تبعات الزيادة السكانية وتبعات الزيادة في القمح وبتحاول تحقق نوع من الاكتفاء الذاتي من القمح ولكن ده لسة قدامنا ولكن حذاري أن ندفع كل الأمور في اتجاه واحد ودي هتبقي مشكلة حقيقية علينا أن نتعامل بنوع من الذكاء.

وأختتم: "الرئيس أتكلم من سنتين تلاتة عن رغيف الخبز وكل الناس توقعت أنه مش هيزيد أكتر من 10 قروش ولكن الأوضاع الراهنة والزيادات اللي حاصلة خصوصًا بعد الحرب الروسية- الأوكرانية وزيادة طن القمح اللي وصل لـ500 دولار للطن".