بعد إعلان بيبسي بمشاركة نجوم الفن والرياضة.. لماذا تصدر "ويجز" الترند؟
![الرئيس نيوز]( /UploadCache/libfiles/15/7/600x338o/837.jpeg)
تصدر مطرب الراب الشهير ويجز، خلال الساعات القليلة الماضية مؤشر البحث على جوجل، كما تصدر تريند كافة مواقع التواصل الاجتماعي، عقب انتشار خبر يؤكد رفضه المشاركة في إعلان بيبسي دعما للقضية الفلسطينية.
وهو الإعلان الذي شارك به مجموعة من نجوم الفن والرياضة بالوطن العربي، وعرض خلال الساعات الماضية، وأشاد رواد مواقع التواصل الاجتماعي بموقف ويجز، كما ابدوا غضبهم من النجوم الذين شاركوا في الإعلان.
![](/Upload/libfiles/20/4/507.jpg)
وكشفت مصادر إن ويجز رفض المشاركة في الإعلان، برغم تلقيه عرض بقيمة 18 مليون جنية للمشاركة في الحملة الإعلانية لشركة بيبسي، إلا أنه رفض العرض وقرر عدم المشاركة في الإعلان.
ويعتبر ويجز أحد من النجو الذين دعموا القضية الفلسطينية بطرق متعددة وفي مواقف كثيرة منذ بدء الحرب على غزة في أكتوبر الماضي، وكان موقفه واضحا وصريحا في ظل الظروف الصعبة التي يعيشها الشعب الفلسطيني، وما يلحقه من انتهاكات على يد جيش الاحتلال.
كيف دعم ويجز القضية الفلسطينية؟
و حرص ويجز في معظم حفلاته الغنائية داخل مصر وخارجها، على دعم القضية الفلسطينية، إذ ظهر في أكثر من حفل وهو يحمل علم فلسطين، ويرتدي الكوفيه الفلسطينية، خاصة في حفلاته بأمريكا وأوروبا، منذ بدء الأحداث.
كما حرص ويجز على دعم القضية الفلسطينية من خلال السوشيال ميديا، حيث أصبحت حساباته الشخصية مؤخرا تنقل مشاهد العنف في غزة، لكي يرى العالم كله معاناة الشعب الفلسطيني مع الكيان الصهيوني باعتباره واحدا من أشهر النجوم في مصر والوطن العربي.
وقال ويجز في وقت سابق بأحد البرامج: "من وجهة نظري مافيش حد يجي يكلمنا بقى أن أمريكا بلد حرية وديمقراطية وبتاع، لا لا، بالعكس، أنت بس بتحطني على خط أنا لازم أمشي عليه عشان تبقى هي دي الحرية، وأول ما أطلع براه يبقى هو دا مش حرية ولا حاجة، نفس الحاجة أنت بتخاف من الناس المختلفة عنك، وبتخاف من أشكال الحياة اللي ممكن ماتبقاش واخدة نفس الشكل بتاعك".
وأردف: "مثلا الاستخبارات الأمريكية (CIA) مش عارفة، وأنا اللي عارف إيه اللي بيحصل في غزة؟! لا هما مليون في المية عارفين اللي بيحصل في غزة، واللي بيحصل في غزة معمول حسابه ومعمول له خطة والجو جميل يعني، الناس دي عارفه كويس هي بتعمل ايه، وأدام الناس كلها، دا اللي أنا بتكلم فيه أنا دوري بقى كبني آدم إيه، أنا دوري أن أنا أوصل صوتي، وأتكلم وأقول على فكرة إحنا مش مغيبين أو عبط عشان نبقى عارفين أو حاجة زي دي تعدي علينا عادي".
وأنهى ويجز حديثه: "طبعا في ناس بتتفرج عليه ومصدقاه فتغيب يعني أكيد ما تقوليش آه غارات على غزة، وفي الآخر تجيب لي بيت واقف واخد طلقتين، يعني دا مش البيت اللي اتقصف، ودي مش الصورة الحقيقية".
كما شارك ويجز في وقت سابق بمظاهرات ضد إسرائيل في الولايات المتحدة الأمريكية، ونقل أجواء المظاهرة في الفيديو قائلا: "إحنا لسه نازلين الشارع في أمريكا، نيويورك سيتي قافلين محطة مترو كبيرة وكل الناس جوا، والظباط جايبين 90 ألف عربية ومنعوا الناس تدخل علشان بقت زحمة".