شاهد.. أحمد موسى: مشروع مستقبل مصر يوفر 400 ألف سكر للسوق المحلية

أكد الإعلامي أحمد موسى، أن مشروع مستقبل مصر والذي شهد الرئيس عبد الفتاح السيسي افتتاحه اليوم يأتي في إطار إحلال الواردات عن طريق توفير الإنتاج المحلي.

مستقبل مصر

وقال موسى، خلال برنامج "على مسؤوليتي" المذاع على قناة "صدى البلد": "المشروع أنتج مليونًا و100 ألف طن قمح، بقيمة 330 مليون دولار، إضرب زي ما إنت عايز هيدولك الرقم بالجنيه المصري، مستقبل مصر النهاردة بيشتغل على فرص إحلال الواردات، يبقى إنت النهاردة نجح المشروع في إحلال مليار و375 مليون دولار وفرها المشروع من استيرادنا".

وأضاف: "شوف الشغل اللي بيتم دا كله عائد عليا والسوق المصري تقدر تشتغل النهاردة، الصادرات وصلت إلى 4 مليارات و300 مليون دولار، وكل دا شغل وتصنيع زراعي، بنتكلم على فاكهة والرمان والبرتقال، ولقيت النهاردة زارعين مساحة كبيرة بلح وتمور".

التصدير

وتابع: "عندك العديد من المصانع، مصنع للبطاطس ومصنع للخضار المجمد، المشروع بيشتغل عشان ياخد جزء كبير ومساهمة كبيرة جدًا من السوق العالمية، الجهاز هيضيف 400 ألف طن سكر للسوق المحلية من 700 ألف طن بنستوردهم".

وواصل: "بكلمك على تصدير قد إيه وعلى قمح قد إيه، أنا بكلمك على البدايات فما بالك بعد 3 سنين، يعملنا حجم قد إيه بنصدر بكام، وبنوفر بكام، والسوق المحلي بكام، وحجم العمالة هتوصل 2 مليون عامل، وهتوفر 400 ألف طن سنويًا عشان بعد كده تصل إلى الاكتفاء الذاتي".

وشهد الرئيس عبد الفتاح السيسي، الإثنين، افتتاح مشروع "مستقبل مصر للتنمية المستدامة"، والذي يعد من أبرز المشروعات القومية، والإنجازات الكبرى.

ويقع المشروع الوطني العملاق "الزراعي-الصناعي-التجاري"، على امتداد طريق محور روض الفرج - الضبعة الجديد، وهو الطريق الذي أُنشئ ضمن المشروع القومي للطرق بطول 120 كم وعمق 60: 70 كم، ويبعد 30 دقيقة عن مدينة السادس من أكتوبر.