عمرو أديب: جلب الاستثمارات تحتاج بنية صناعية قوية
أكد الإعلامي عمرو أديب؛ أن جلب الاستثمارات الصناعية الخارجية تحتاج أن تمتلك الدولة بنية صناعية قوية جاذبة للاستثمار.
وقال أديب خلال برنامج "الحكاية" المذاع على قناة "أم بي سي مصر": "رئيس الوزراء بيتكلم النهاردة أننا عايزين نجيب أبل؛ هنجيب أبل ويقولك أنا عايز أجيب مستلزمات إنتاج ومش عارف؟ أبل هتيجي لما يبقي في بنية أساسية صناعية محترمة؛ هل أنت عندك تعمل جزء من أبل؟ أنا معرفش".
وأضاف: "الناس دي عشان تيجي هنا أنت عندك ليهم التسهيلات؟ حاجات زي دي محتاجة اغراءات مرعبة؛ في السعودية عندهم مشروعات بيجيبوها ويدوها 15% اعفاء من كل حاجة".
وتابع: "إحنا مش لوحدنا؛ طبعا مصر الجميلة والعظيمة ولكن الشركات مبتاكلش تاريخ؛ الشركات بتاكل واقع وبتبني مستقبل؛ الواقع بتاعك عامل إزاي؟ والمستقبل عامل ازاي؟ أنا مش جاي اعمل سياحة أنا جاي افتح مصنع".
وواصل: "اللي أنا بقوله لازم اللي يبيع الاستثمار يكون حد عبقري؛ اللي هيجيبه ده لازم يكون حد عبقري أستاذ مبيعات وعنده قدرات كبيرة؛ هل احنا عندنا ملف أو شيء نقوله لأبل ياجماعة تعالوا مصر ولا أنت جاي مصر عشان الجو حلو والمصريين لطاف والأمن والأمان".
وواصل: "احنا مش لوحدنا في السوق؛ السوق كله عايز استثمارات؛ انا مبكلمكش على الإقليم او أفريقيا أو الشرق الأوسط أنا بكلمك على العالم".
وأكمل: "اليونانيين مثلا قالك احنا عندنا الزراعة بتاعتنا أبعتلي 5 آلاف عامل مصري يعملولنا موسم الحصاد بتاعي؛ الـ 5 آلاف دول هيكلفوه كام؟ ولكن تصدير البضائع بتاعته؛ احنا يا جماعة متأخرين وبنتحرك ببطيء؛ احنا نقدر نتحرك بسرعة ونقطع المسافات بس ابتدي بقي بما أن النية موجودة أن يكون عندك مصانع وإنتاج".
وذكر الدكتور مصطفى مدبولي، رئيس الوزراء، إن الحكومة تستهدف تواجد أكبر 5 شركات للهواتف المحمولة في مصر، هي سامسونج، أوبو، شاومي، فيفو، مشيرًا إلى أن هناك محاولات مع شركة آبل لإقناعها بالاستثمار في مصر.
وأوضح مدبولي خلال كلمته في مؤتمر صحفي، عقب تفقد عدد من المشروعات بمدينة العاشر من رمضان، أن الحكومة تستهدف خلق فرص عمل كبيرة جدًا، ومنتج محلي يغطي السوق المحلية بدلًا من استيراده.
ولفت أن بعض المصانع كانت تشهد مشكلات في المكون الدولاري، لكن اليوم أصبحت المشكلة محلولة، إذ يتم الوصول للمستهدف بإنتاج نصف مليون هاتف محمول شهريًا لدى كل مصنع.
