عمرو أديب للتجار: يا تبيع النهاردة وتنزل في السعر.. يا تقعد جنبها

وجه الإعلامي عمرو أديب؛ رسالة إلى التجار مطالبا إياهم بخفض الأسعار خاصة وأن السوق حاليا أصبح في حالة ركود بسبب ارتفاع الأسعار.

وقال أديب خلال برنامج "الحكاية" المذاع على قناة "أم بي سي مصر": "انا بقول لأي تاجر الناس مش جاية تشتري في أي حاجة والحاجة بقت كتير وموجودة لأن الناس مستنية الوعد؛ أنا في بياعين لما اروحلهم يقولولي استني الحاجة هتنزل".

وأضاف: "قدامكم حل أيهما أقرب؛ يا تبيع النهاردة وتنزل في السعر يا تقعد جنبها وتستني لما السعر ينزل؛ ياجماعة احنا من 3 أشهر كان الناس واقفة طوابير على البنوك عشان يشتروا حاجات دلوقت البنوك بتجري ورا الناس عشان يشتروا حاجات".

وتابع: "احنا عايزين نشوف أسعار السوق مش أسعار التلفزيون لأن الحاجة دي مش هتتباع وأنت لا أحسن من أمريكا ولا أحسن من الصين ولا أحسن من أوروبا؛ أنا بقول لحضراتكم الان وليس دلوقت؛ الأن نزل الحاجة وبيع".

وأوضح: "أما بتنزل تشتري من أول واحد تشتري منه؛ وكل مانت تنزل الشارع كله بينزل؛ انتوا كسبتوا أوفر برايس بالعبيط ومحدش كسب قد اللي كسبوا السنة اللي فاتت في العربيات نفس الحكاية؛ ارجوكم لا تنتظروا حتى يتوقف السوق لأن خد بالك كمان في حاجة اسمها القدرة الشرائية؛ قدراتي انا اشتري بكام أنت كل ما تنزل السعر بترفع قدرتي الشرائية فاجي أشتري كل ما ترفع السعر بتقلل قدرتي الشرائية فاقعد في البيت".

واختتم: "تعالى نتكلم في العقار؛ النهاردة السوق شغال؟ كلم الشباب اللي بيبعوا العقار؛ الأرقام غريبة جدا؛ وهي زي ما تحب بقي الاختيار ليك وحدك".