دينا الشربيني تكشف تفاصيل جديدة عن زوجها المستقبلي
يترقب الكثير من محبي وعشاق الفن والفنانين عن تفاصيل جديدة عن زوج دينا الشربيني المستقبلي والتي كشفت عنه خلال استضافتها في برنامج "كلمة أخيرة" عبر شاشة قناة ON، بعد أن أعلنت مؤخرًا أنها تعيش قصة حب ستكلل قريبًا بالزواج.
ويوم الثلاثاء الماضي، كشفت الفنانة دينا الشربيني والتي حلت ضيفه البرنامج مع الإعلامية لميس الحديدي، الكثير من التفاصيل المثيرة حول حياتها الخاصة والفنية، وتطرقت للعديد من الموضوعات، أبرزها نجاح الجزء الثاني من مسلسل "كامل العدد +1".
دينا الشربيني تكشف تفاصيل جديدة عن زوجها المستقبلي
وتحدّثت دينا الشربيني عن مواصفات الرجل المثالي من وجهة نظرها، إذ تجد أنّ الحنية من أهم المواصفات التي تحتاجها في الرجل، بالإضافة إلى كونه شخص بار بأهله وبالتالي يُحسن معاملتها وعشرتها.
وأضافت قائلة: «الناس الكويسة مع أهلهم عمومًا سواء راجل أو ست بحطهم فوق راسي، وبضايق أوي لما بلاقي حد مش على طول مع أهله وبيسأل عليهم، لأنّي شايفة أن الأهل دول أولوية».
ومن بين مواصفات الرجل المثالي، تابعت أن يكون لديه ثقة كاملة في نفسه وشريكة حياته: «لو الشخص ارتبط بأي ممثلة أو مغنية أو إعلامية أو شخصية مشهورة لازم الراجل يكون واثق من نفسه، لأنّه لو واثق من نفسه عمره ما هيتضايق ولا يتهز».
وعن الصفات التي لا تقبلها دينا الشربيني في شريك حياتها فهو البخل، «أنا مقدرش أعيش مع حد بخيل، ومش بخل فلوس، أنا بتكلم عن بُخل المشاعر والكلمة الحلوة والسؤال والمعاملة».
وأردفت أن ثاني الصفات التي لا تقبلها «بحس الخيانة تقليل من الست وبيهز حاجة جواها، والخيانة كفكرة مش مفهومة بالنسبة لي، يعني لو فيه حاجة امشي بس ليه الخيانة».
وفي سياق متصل، كشفت دينا الشربيني عن تفاصيل جديدة عن زوجها المستقبلي، قائلة:«بعيش قصة حب من فترة، وإن شاء الله هلبس الفستان الأبيض ومفيش حاجة متأخرة».
وعلقت "دينا": "أول حرف من اسمه حسين وهو مصري وبيشتغل رجل أعمال من خارج الوسط الفني خالص، وكان بينا أصدقاء مشتركين كتير أوي، وكنا بنتقابل وسط أصحابنا لحد ما ارتبطنا، واللي عاجبني فيه حاجات كتير هو محترم جدًا بيراعي ربنا عنده حته دينية يمكن مش بتبان أوي بس هي جواه".
وتابعت: "وجدع وعارفة لما حد يبقى عايز يعملك كل حاجة من غير ما يبان في الصورة، وأنا فاكرة كويس أوي صاحبي وقت أهلي كان من بعيد واقف عينه عليكي لو انتي محتاجة حاجة والحاجات دي بتفرق لي أوي، وهو أبعد ما يكون عن الأضواء واحنا شبه بعض في حاجات كتيرة أوي إلا دي، وهو متفهم أوي أني فنانة ويمكن في الأول كان مخضوض أو مش فاهم، وأنا ببقى مبسوطة أوي لما حد بييجي يتصور معايا وأشوف في عيون الناس نظرة حب وهو بيتبسط لإنبساطي".
